ଗଞ୍ଜାମ: ଗଞ୍ଜାମ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ଜୟଶ୍ରୀ ଛକ ନିକଟରେ ନିର୍ମାଣ ହୋଇଥିବା ସର୍ବସାଧାରଣ ଶୌଚାଳୟ ପରିତ୍ୟକ୍ତ ଅବସ୍ଥାରେ ପଡ଼ିରହିଛି। ନିର୍ମାଣ ସରିବା ପରଠୁ ଗୋଟିଏ ଦିନ ତାହା ଠିକ ଭାବେ ବ୍ୟବହାର ଉପଯୋଗୀ ହୋଇନାହିଁ। ଦୀର୍ଘ ଦିନ ହେଲା ତାହାର କବାଟ ଭାଙ୍ଗି ରୁଜି ପଡ଼ିରହିଛି। ସରକାରୀ ଅର୍ଥରେ ନିର୍ମାଣ ହୋଇ ଏହା ଏବେ କୁକୁର, ବିଲେଇଙ୍କ ଆଶ୍ରୟ ସ୍ଥଳୀ ପାଲଟିଛି। ବିଜ୍ଞାପିତ ଅଞ୍ଚଳ ପରିଷଦ କର୍ତ୍ତୃପକ୍ଷ ଏଠାରେ ଏତେ ଟଙ୍କା ବ୍ୟୟରେ ନିର୍ମାଣ କରିଥିବା ସର୍ବସାଧାରଣ ଶୌଚାଳୟ କାହା ସ୍ୱାର୍ଥରେ ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ଏଥିପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ବୁଦ୍ଧିଜୀବୀ ମହଲରୁ ଦାବି ହେଉଛି।
ସୂଚନାଯୋଗ୍ୟ ଯେ, ଜୟଶ୍ରୀ ଛକ ନିକଟରେ ସ୍ୱଚ୍ଛ ଭାରତ ମିଶନ ପକ୍ଷରୁ ୩ଲକ୍ଷ ୫୦ହଜାର ଟଙ୍କା ବ୍ୟୟ ଅଟକଳରେ ସର୍ବସାଧାରଣ ଶୌଚାଳୟ ନିର୍ମାଣ ହୋଇଥିଲା। ପ୍ରକଳ୍ପ ୨୭.୧୨. ୨୧ରେ ଆରମ୍ଭ ହୋଇ ୧୮. ୧୦.୨୩ରେ ଶେଷ ହୋଇଥିଲା। ଏହି ଶୌଚାଳୟଟି ବ୍ୟବହାର ପୂର୍ବରୁ କିନ୍ତୁ କବାଟ ଭାଙ୍ଗି ଦୀର୍ଘ ଦିନ ହେଲା ପଡ଼ିରହିଛି, ଯାହାକି ପ୍ରଶାସନର ଦୃଷ୍ଟି ଆଢୁଆଳରେ ରହିଯାଇଛି।
Comments are closed.