ଗଞ୍ଜାମ: ଗଞ୍ଜାମ ମହାବିଦ୍ୟାଳୟର ପୂରାତନ ଛାତ୍ରସଂଘ କାର୍ଯ୍ୟକାରୀ କମିଟି ଏକ ବୈଠକ ତ୍ରିବେଣୀ ମଠ ଛକ ଠାରେ ଅନୁଷ୍ଠିତ ହୋଇଯାଇଛି । ସଂଘର ସଭାପତି ବିନୋଦ କୁମାର ପାଢ଼ୀଙ୍କ ସଭାପତିତ୍ୱରେ ଏହି ବୈଠକ ହୋଇଥିଲା । ମୁଖ୍ୟତଃ ଭାବେ ଆଗାମୀ ଦିନରେ ମହାବିଦ୍ୟାଳୟରେ ସୁବର୍ଣ୍ଣ ଜୟନ୍ତୀ ଉତ୍ସବ ପାଳନ କିଭଳି କରାଯିବ ତାହାର କାର୍ଯ୍ୟକ୍ରମକୁ କେତଦିନ ଓ କେଉଁଭଳି ହେବ ସେଥିପାଇଁ ଏକ ସାଧାରଣ ପରିଷଦ ବୈଠକ ଆଗାମୀ ଜୁନ ମାସ ୨୬ତାରିଖରେ କରିବାକୁ ଏହି ବୈଠକରେ ନିଷ୍ପତ୍ତି ହୋଇଥିଲା । ଏହା ସହିତ ମୋ କଲେଜ ଅଭିଯାନ କାର୍ଯ୍ୟକ୍ରମରେ ଲୋକଙ୍କ ଠାରୁ କିଭଳି ଫଣ୍ଡ ସଂଗ୍ରହ କରାଯିବ ସେ ନେଇ ମଧ୍ୟ ଆଲୋଚନା ହୋଇଥିଲା । ମହାବିଦ୍ୟାଳୟ ଭିତ୍ତିଭୂମିର ଉନ୍ନତି କିଭଳି କରାଯିବ ସମ୍ପର୍କରେ ଆଲୋଚନା କରାଯଇଥିଲା । ଏହି ବୈଠକରେ ଆବାହକ ପ୍ରାଧ୍ୟପକ ଅମର ପ୍ରସାଦ ବିଶୋଇ, ଉପ ସଭାପତି ଡି ସୀମାଲୀ, ସମ୍ପାଦକ ଦିଲ୍ଲୀପ ପଟ୍ଟନାୟକ, ଉପଦେଷ୍ଟା ଲିଙ୍ଗରାଜ ପଟ୍ଟନାୟକ, ବିଶ୍ଵନାଥ ଦାସ, ପ୍ରମୋଦ କୁମାର ଦାସ, ମଙ୍ଗରାଜ ପଣ୍ଡା, ବିନୋଦ ମହାପାତ୍ର, ସମେତ ସଦସ୍ୟ ଶବର କୁମାର ତାରାଇ ପ୍ରମୁଖ ଉପସ୍ଥିତ ରହିଥିଲେ ।
Comments are closed.