ମ.ରାମପୁର: କଳାହାଣ୍ଡି ଜିଲ୍ଲା ମ.ରାମପୁର ନିକଟସ୍ଥ ଅଏଁଲାପାଲି ଛକରେ ମ.ରାମପୁର ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ଚୋରା ଚାଲାଣ ହେଉଥିବା ଗଞ୍ଜେଇ ଜବତ କରାଯାଇଛି। ଏହି ଘଟଣାରେ ଜଣଙ୍କୁ ଗିରଫ କରାଯିବା ସହ ଚୋରା ଚାଲାଣରେ ବ୍ୟବହୃତ ବୋଲେରୋ ଗାଡ଼ିକୁ ଜବତ କରାଯାଇଛି।
ସୂଚନା ଅନୁସାରେ, କନ୍ଧମାଳ ଜିଲ୍ଲାରୁ ଝାଡ଼ଖଣ୍ଡ ରାଜ୍ୟକୁ ଏକ ବୋଲେରୋ ଗାଡ଼ିରେ ଗଞ୍ଜେଇ ଚୋରା ଚାଲାଣ ବେଳେ ଅଏଁଲାପାଲି ଛକରେ ମ.ରାମପୁର ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା। ଚଢ଼ାଉ ବେଳେ ବୋଲେରୋରୁ ୬୦କିଲୋ ଗଞ୍ଜେଇ, ବୋଲେରୋ ଗାଡ଼ିକୁ ଜବତ କରିବା ସହ ଜଣକୁ ଗିରଫ କରିଛି ଅବକାରୀ ବିଭାଗ। ଗିରଫ ଜଣକ ହେଲେ ଝାଡଖଣ୍ଡ ଅଞ୍ଚଳର ପଙ୍କଜ ସାହୁ। ଜବତ ଗଞ୍ଜେଇର ଆନୁମାନିକ ମୂଲ୍ୟ ୬ଲକ୍ଷ ଟଙ୍କା ହେବ ବୋଲି ଅବକାରୀ ସବଇନ୍ସପେକ୍ଟର ଦେବାଶିଷ ସିର୍ଦ୍ଦାର ସୂଚନା ଦେଇଛନ୍ତି। ଏହି ଚଢ଼ାଉରେ ଅବକାରୀ ରେଞ୍ଜ ଇନ୍ସପେକ୍ଟର ସୁଶାନ୍ତ ପ୍ରଧାନ, ସବଇନ୍ସପେକ୍ଟର ଦେବାଶିଷ ସିର୍ଦ୍ଦାର, ମାନସ ରଂଜନ ବିଶି, ସିଆରି ହରିଜନ, ସିମାଞ୍ଚଳ ମାଝୀ, ତପସ୍ଵିନୀ ଧଙ୍ଗଡା ମାଝି ପ୍ରମୁଖ ସାମିଲ ଥିଲେ।
Comments are closed.