ନୂଆଦିଲ୍ଲୀ: ଚଳିତ ବର୍ଷ ଡିସେମ୍ବରରେ ଉତକ୍ଷେପଣ ପାଇଁ ଯୋଜନା ଥିବା ‘ଗଗନୟାନ’ର ମାନବବିହୀନ ମହାକାଶ ମିଶନ୍ କରୋନା ମହାମାରୀ ଯୋଗୁଁ ବିଳମ୍ବ କରିପାରେ। ମିଳିଥିବା ସୂଚନା ଅନୁଯାୟୀ, ୨୦୨୧ ଡିସେମ୍ବରରେ ଭାରତୀୟ ମହାକାଶ ଗବେଷଣା ସଂଗଠନ (ISRO) ପ୍ରଥମ ଥର ପାଇଁ ‘ଗଗନୟାନ’ ଅଧୀନରେ ମନୁଷ୍ୟକୁ ମହାକାଶକୁ ପଠାଇବା ପୂର୍ବରୁ ଦୁଇଥର ମାନବବିହୀନ ମିଶନକୁ ମହାକାଶକୁ ପଠାଇବାକୁ ଯୋଜନା କରିଛି। ପ୍ରଥମ ମାନବବିହୀନ ମିଶନରେ ଏକ ସମ୍ଭାବ୍ୟ ବିଳମ୍ବକୁ ନିକଟରେ ସ୍ପେସ୍ କମିଶନ ମହାକାଶ ସମ୍ବନ୍ଧୀୟ ପ୍ରସଙ୍ଗରେ ସର୍ବୋଚ୍ଚ ନୀତି ପ୍ରସ୍ତୁତ କରୁଥିବା ସଂସ୍ଥାକୁ ଜଣାଇଛି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଇ ବର୍ଷ ପୂର୍ବେ ତାଙ୍କ ସ୍ୱାଧୀନତା ଦିବସ ଅଭିଭାଷଣରେ ଏକ ମାନବ ମହାକାଶ ଅଭିଯାନ ଘୋଷଣା କରିଥିଲେ। ଭାରତର ସ୍ୱାଧୀନତାର ୭୫ ବର୍ଷ ପୂରଣ ଅବସରରେ ୨୦୨୨ ସୁଦ୍ଧା ପାଞ୍ଚରୁ ସାତ ଦିନ ପର୍ଯ୍ୟନ୍ତ ତିନିଜଣିଆ ଦଳକୁ ମହାକାଶକୁ ପଠାଇବା ହେଉଛି ଗଗନୟାନ ମିଶନର ଉଦ୍ଦେଶ୍ୟ। ଏହି ଅଧାରରେ ଇସ୍ରୋ ଚଳିତ ଡିସେମ୍ବର ରେ ପ୍ରଥମ ଏବଂ ୨୦୨୧ ଜୁନ୍ ରେ ଦ୍ୱିତୀୟ ମାନବବିହୀନ ମିଶନ ପଠାଇବାକୁ ଯୋଜନା କରିଛି।
କରୋନା ମହାମାରୀ ଦ୍ବାରା ଏହି ମିଶନ ପ୍ରଭାବିତ ହେବା ସହ ଅନେକ ମିଶନ ବିଳମ୍ବ ହେଉଛି ବୋଲି ଇସ୍ରୋ ପକ୍ଷରୁ ସୂଚନା ଦିଆଯାଇଛି। ପ୍ରଭାବିତ ପ୍ରମୁଖ ମିଶନଗୁଡିକ ମଧ୍ୟରେ ଚନ୍ଦ୍ରୟାନ-୩ ଏବଂ ଗଗନୟାନ ରହିଛି। ଚନ୍ଦ୍ରପୃଷ୍ଠକୁ ପଠାଯିବାକୁ ଥିବା ତୃତୀୟ ମିଶନ ଚନ୍ଦ୍ରଯାନ-୩ ଚଳିତ ବର୍ଷ ଶେଷରେ ଉତକ୍ଷେପଣ ହେବ ବୋଲି ଯୋଜନା କରାଯାଉଛି।
Comments are closed.