ଜି.ଉଦୟଗିରି: ବର୍ତ୍ତମାନ ପରିସ୍ଥିତିରେ ବୈଶାଖର ପ୍ରଚଣ୍ଡ ରୌଦ୍ରତାପରେ ସାଧାରଣ ଜନଜୀବନ ଡହଳବିକଳ ହେଉଥିବା ବେଳେ ଆଜି ଜି.ଉଦୟଗିରି ଅଞ୍ଚଳର ପ୍ରବଳ ବେଗରେ ପବନ ବହିବା ସହ ଜୋରରେ ଘଡଘଡି ମାରି କାଳବୈଶାଖି ବର୍ଷା ହୋଇଥିବାରୁ ଲୋକେ ଆଶ୍ବସ୍ତି ଅନୁଭବ କରିଛନ୍ତି। ଜି.ଉଦୟଗିରି ସହରକୁ ଛାଡିଦେଲେ ଆଖପାଖ ଅଞ୍ଚଳରେ ବିରାଟ ଦ୍ରୁମ ଲୋଟିପଡିଥିବା କାରଣରୁ କିଛି ସଭୟ ପାଇଁ ବିଦ୍ୟୁତ ସରବରାହ ବିଛିନ୍ନ ହୋଇଯାଇଥିଲା। ଏ ସମ୍ପର୍କରେ ବିଦ୍ୟୁତ ବିଭାଗ କନିଷ୍ଟ ଯନ୍ତ୍ରୀ ପବିତ୍ର କୁମାର ସାହୁଙ୍କୁ ଯୋଗାଯୋଗ କରିବାରେ ପ୍ରକାଶ କରିଛନ୍ତି ଯେ ବିଦ୍ୟୁତ କର୍ମଚାରୀ ସଦଳବଳେ କାମରେ ଲାଗି ପଡିଛନ୍ତି,ତୁରନ୍ତ ବିଦ୍ୟୁତ ଯୋଗାଇ ଦିଆଯିବ।
ବନ୍ୟଜନ୍ତୁ ଶିକାର ଉଦ୍ଦେଶ୍ୟରେ ଜଙ୍ଗଲକୁ ଜଳୋଉଥିବା ବେଳେ ବନ ବିଭାଗ ମଧ୍ୟ ଆଶ୍ବସ୍ତୀ ଲାଭ କରିଛି।ଖବର ଲେଖିଲା ବେଳକୁ କରୋନାର ଦ୍ବିତୀୟ ଲହରର ସପ୍ତାହାନ୍ତ ସଟଡାଉନର ତୃତୀୟ ରବିବାରରେ ଲୋକେ ଘରେ ଥାଇ ଗରମରେ ଆଉଟୁ ପାଉଟୁରୁ ମଧ୍ୟ ରକ୍ଷା ପାଇଥିବା ବେଳେ ଆଜିର କାଳବୈଶାଖୀ ପ୍ରଭାବରେ ବିଶେଷ କ୍ଷୟକ୍ଷତି ହୋଇନଥିବା ଶୁଣିବାକୁ ମିଳିଛି।
