ଭୋଗରାଇ: ବାଲେଶ୍ୱର ଜିଲ୍ଲା ଜଳେଶ୍ୱର ଓ ବାଲିଆପାଳ ମଝିରେ ଥିବା କର୍ତ୍ତନୀୟ ବନ୍ଦରରେ ଅଘଟଣ ଘଟି ୪ ଜଣ ମତ୍ସ୍ୟଜୀବୀ ନିଖୋଜ ଅଛନ୍ତି। ରବିବାର ଭୋର ୪ଟା ସମୟରେ ଉଚ୍ଚ ଜୁଆର ଆସିବା ଫଳରେ ପାଖାପାଖି ଥିବା ୩ଟି ଯନ୍ତ୍ରଚାଳିତ ଡଙ୍ଗା ବା ଭୁଟୁଭୁଟି ଓଲଟି ପଡିଥିଲା । ଫଳରେ ଏଥିରେ ମୋଟ ୧୬ ଜଣ ମତ୍ସଜୀବୀ ବୁଡି ଯାଇଥିଲେ । ଘଟଣାସ୍ଥଳରେ ଉପସ୍ଥିତ ଥିବା ଅନ୍ୟ ଭୁଟୁଭୁଟିର ମତ୍ସ୍ୟଜୀବୀମାନେ ତୁରନ୍ତ ସେମାନଙ୍କ ମଧ୍ୟରୁ ୬ ଜଣଙ୍କୁ ଜୀବିତ ଉଦ୍ଧାର କରିଥିଲେ। ଖବର ପାଇଁ ଓଡ୍ରାଫ ଦଳ ଓ ଅଗ୍ନିଶମ ବିଭାଗ ପହଞ୍ଚି ଦିନ ପ୍ରାୟ ୧୨ଟା ବେଳେ ଅନ୍ୟ ୬ ଜଣଙ୍କୁ ଉଦ୍ଧାର କରିଥିଲେ । ଏପର୍ଯ୍ୟନ୍ତ ଅନ୍ୟ ୪ ଜଣ ମତ୍ସ୍ୟଜୀବୀ ନିଖୋଜ ରହିଛନ୍ତି। ଘଟଣାସ୍ଥଳରେ ପ୍ରଶାସନିକ ଅଧିକାରୀ ପହଞ୍ଚିଛନ୍ତି। ସମସ୍ତ ମତ୍ସ୍ୟଜୀବୀ ଭୋଗାରାଇ ଅଞ୍ଚଳରେ ବୋଲି ଜଣାପଡିଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକାକୂଳ ପରିସ୍ଥିତି ସୃଷ୍ଟି ହୋଇଛି।
Popular Categories
Previous article
Next article