ପୁରୀ: ବ୍ରହ୍ମଗିରିରେ ଜାରି ରହିଛି ବୋମାମାଡ । ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ୮ ଗୁରୁତର ହୋଇଛନ୍ତି । ଗୁରୁତରମାନଙ୍କୁ ପୁରୀ ମୁଖ୍ୟ ଚିକିତ୍ସାଳୟ ଏବଂ ରେବଣ ନୂଆଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୁଲିସ ପହଞ୍ଚିଛି ।
ସୂଚନାଯୋଗ୍ୟ, ରାଜନୌତିକ ଶତ୍ରୁତାକୁ କେନ୍ଦ୍ର କରି ପୁରୀ ବ୍ରହ୍ମଗିରି ଥାନା ଅନ୍ତର୍ଗତ ବାଘମୁଣ୍ଡାରେ ଗୋଷ୍ଠି ସଂର୍ଘଷ ଦେଖିବାକୁ ମିଳିଛି । ଉଭୟଙ୍କ ମଧ୍ୟରେ ବୋମାମାଡ ସହ ଗୁଳିମାଡ ଜାରି ରହିଛି । ଫଳରେ ପୁଲିସ ପହଞ୍ଚି ଥିଲେ ମଧ୍ୟ ଗାଁକୁ ପଶିପାରୁ ନାହିଁ । ଖବର ଲେଖା ହେଲା ବେଳକୁ ବୋମାମାଡ ଓ ଗୁଳିମାଡରେ ଜଣଙ୍କର ମୃତ୍ୟୁ ଘଟିଛି ଏବଂ ୮ ଜଣ ଗୁରୁତର ହୋଇଥିବା ସୂଚନା ରହିଛି ।
