ନୂଆଦିଲ୍ଲୀ: ଆନ୍ଧପ୍ରଦେଶ ଏସି ସୁପରଫାଷ୍ଟ ଏକ୍ସପ୍ରେସରେ ଅଗ୍ନିକାଣ୍ଡ ଘଟିଛି । ଏକ୍ସପେସର ବି-୬ ଓ ୭ ବଗିରେ ନିଆଁ ଲାଗି ଯାଇଛି । ନୂଆଦିଲ୍ଲୀରୁ ବିଶାଖାପାଟଣା ଯାଉଥିବା ବେଳେ ମଧ୍ୟପ୍ରଦେଶ ଗ୍ବାଲିୟାର ଷ୍ଟେସନ ନକଟରେ ଏହି ଅଘଟଣ ଘଟିଛି । ଏଯାବତ୍ ଅଗ୍ନିକାଣ୍ଡରେ କୌଣସି ଯାତ୍ରୀ ମୃତାହତ ହୋଇ ଥିବା ସୂଚନା ମିଳିନାହିଁ । ଅଗ୍ନିକାଣ୍ଡର କାରଣ ଜଣାପଡି ନଥିବା ବେଳେ ରେଳ ବିଭାଗର ଉଚ୍ଚପଦସ୍ଥ କର୍ମଚାରୀ ଘଟଣାସ୍ଥଳରେ ପହଞ୍ଚିଛନ୍ତି । ଦମକଳ ସହାୟତାରେ ନିଆଁ ଲିଭାଇବା କାର୍ଯ୍ୟ ଜାରି ରହିଛି । ଟ୍ରେନ ଲାଇନ ଉପରେ ଯାଇଥିବା ଉଚ୍ଚ ଶକ୍ତି ସମ୍ପନ୍ନ ବିଦ୍ୟୁତ୍ ତାର ଅଗ୍ନି ସଂସ୍ପର୍ଶରେ ଆସି ଯାଇଥିବାରୁ ବଡ ଧରଣର ଅଘଟଣକୁ ଏଡାଇବା ପାଇଁ ଯୁଦ୍ଧକାଳୀନ ଭିତ୍ତିରେ ଉଦ୍ୟମ ଜାରି ରହିଛି ।
