ବୁଗୁଡ଼ା : ୧୧ କେଭି ବିଦ୍ୟୁତ ତାର ଛିଣ୍ଡି ଜଳିଗଲା ଧାନ ଗଦା । ଘଟଣା ଘଟିଛି ବୁଗୁଡ଼ା ବ୍ଲକ ତାକରଡ଼ା ପଞ୍ଚାୟତ ଅନ୍ତର୍ଗତ ମତଝରୀ ଗ୍ରାମରେ। ଗ୍ରାମର ତ୍ରିଲୋଚନ ସେନାପତି ଧାନ କାଟି ନିଜ ବିଲରେ ଗଦା କରିଥିବା ବେଳେ ବିଲ ଉପରେ ଯାଇଥିବା ୧୧ କେଭି ତାର ଛିଣ୍ଡି ପଡିଯିବା ଫଳରେ ତ୍ରିଲୋଚନଙ୍କ ୮ ଭରଣ ଧାନ ପୋଡି ପାଉଁଶ ହୋଇଯାଇଛି । ସୌଭାଗ୍ୟବଶତଃ ସେ ସମୟରେ ସେଠାରେ କେହି ଉପସ୍ଥିତ ନଥିଲେ। ସକାଳ ୭ଟାରେ ଏ ଘଟଣା ଘଟିଥିବା ବେଳେ ବୁଗୁଡ଼ା ବ୍ଲକ କରସିଂ ଗୁଡ଼ିସାହିରେ ଭୋଜି ହେଉଥିବା ସମୟରେ ଦିନ ସାଡେ ୧୦ଟାରେ ଚୁଲିରୁ ନିଆଁ ଝୁଲ ଉଡି ନିକଟରେ ଥିବା ଏକ ଧାନ ଗଦାରେ ପଡିବା ଫଳରେ ବିଶ୍ଵନାଥ ନାୟକଙ୍କ ୫ ଭରଣର ଧାନ ପୋଡି ଯାଇଥିଲା। ଉଭୟ ଘଟଣା ପରେ ଖବର ପାଇ ବୁଗୁଡ଼ା ଦମକଳ କେନ୍ଦ୍ରର ମୁଖ୍ୟ ଆଗ୍ନିକ ସନ୍ତୋଷ କୁମାର ପରିଡାଙ୍କ ନେତୃତ୍ୱରେ ଅଗ୍ନିଶମ କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ।
Popular Categories
Previous article
Next article