ଶୁଭଙ୍କରଙ୍କ ବିରୁଦ୍ଧରେ ଏତଲା

ସମାଜ ଲାଇଭ ଡ଼େସ୍କ : ବଢିଲା ଶୁଭଙ୍କର ମିଶ୍ରଙ୍କ ବିବାଦ । ଶୁଭଙ୍କର ମିଶ୍ରଙ୍କ ବିରୁଦ୍ଧରେ ଏତଲା । ସାମାଜିକ ଗଣମାଧ୍ୟମ ଇନଫ୍ଲୁଏନ୍ସର ଶୁଭଙ୍କର ମିଶ୍ରଙ୍କ ବିରୁଦ୍ଧରେ ପୁରୀ ସିଂହଦ୍ଵାର ଥାନାରେ ଏତଲା ଦେଇଛନ୍ତି ବରିଷ୍ଠ ସେବାୟତ ଗୌରହରି ପ୍ରଧାନ । ଗତ କିଛି ଦିନ ଧରି ଶୁଭଙ୍କର ତାଙ୍କ  ସାମାଜିକ ଗଣମାଧ୍ୟମରେ ଶ୍ରୀମନ୍ଦିର ସଙ୍କ୍ରାନ୍ତୀୟ ଏକ ଭିଡିଓ ପୋଷ୍ଟ କରିଥିଲେ । ଯାହାକୁ ନେଇ ବିବାଦଦେଖା ଯାଇଥିଲା । ଶ୍ରୀମନ୍ଦିର କୁ କେହି ପ୍ରେମୀଯୁଗଳ ଗଲେ ତାଙ୍କର ବିବାହ ହୋଇ ପାରିବ ନାହିଁ କହିଥିଲେ ଶୁଭଙ୍କର । ଏହାକୁ ବ୍ୟାଖ୍ୟା କରି , ରାଧାରାଣୀଙ୍କ ଅଭିଶାପ ଯୋଗୁଁ ଏପରି ହେଉଥିବା କହିଥିଲେ ଶୁଭଙ୍କର । ଯାହାକୁ ନେଇ ଗତ କିଛିଦିନ ହେବ ବିବାଦ ଘେରରେ ଅଛନ୍ତି ଶୁଭଙ୍କର । ଏତଲା ପରେ ମାମଲା ରୁଜୁ କରି ପୁଲିସ ତଦନ୍ତ କରିବ ବୋଲି କହିଛନ୍ତି ପୁରୀ ଏସପି ପିନାକ ମିଶ୍ର । ତଦନ୍ତରେ ଶ୍ରୀମନ୍ଦିର ପ୍ରଶାସନ ସହ ଆଲୋଚନା ହେବ ବୋଲି ମଧ୍ୟ କହିଛନ୍ତି ପୁରୀ ଏସପି ।