ନୂଆଦିଲ୍ଲୀ : କରୋନା ସଙ୍କଟ ମଧ୍ୟରେ ଅର୍ଥନୀତିକୁ ପୁନର୍ଜୀବିତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଆତ୍ମନିର୍ଭର ଭାରତ ଅଭିଯାନ ଆରମ୍ଭ କରିଛନ୍ତି । ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦ ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜର ୫ମ ତଥା ଶେେ ପର୍ଯ୍ୟାୟ ରବିବାର ଘୋଷଣା କରୁଛନ୍ତି । ଆର୍ଥିକ ପ୍ୟାକେଜର ପ୍ରଥମ ପର୍ଯ୍ୟାୟ ବୁଧବାର ଘୋଷଣା କରାଯାଇଥିଲା ।
-ଗତ କିଛି ମାସ ମଧ୍ୟରେ ନିଆଯାଇଥିବା ପ୍ରଥମ ପଦକ୍ଷେପ ହେଉଛି ଲୋକଙ୍କ ସ୍ୱାସ୍ଥ୍ୟ ସହ ଜଡିତ ୧୫,୦୦୦ କୋଟି ଟଙ୍କା ଘୋଷଣା। ଏଥିମଧ୍ୟରୁ ୪୧୧୩ କୋଟି ଟଙ୍କା ରାଜ୍ୟମାନଙ୍କୁ ଦିଆଯାଇଛି। ଅତ୍ୟାବଶ୍ୟକ ସାମଗ୍ରୀ ପାଇଁ ୩୭୫୦ କୋଟି ଟଙ୍କା, ଲ୍ୟାବ ଏବଂ କିଟ୍ ପରୀକ୍ଷା ପାଇଁ ୫୫୦ କୋଟି ଟଙ୍କା ଏବଂ ସ୍ୱାସ୍ଥ୍ୟ କର୍ମଚାରୀଙ୍କ ପାଇଁ ୫୦ ଲକ୍ଷ ଟଙ୍କା ବୀମା ଖର୍ଚ୍ଚ କରାଯାଇଛି।
-ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଅଧୀନରେ ୨୦ କୋଟି ମହିଳା ଜନ ଧନ ଆକାଉଣ୍ଟଧାରୀଙ୍କ ଆକାଉଣ୍ଟକୁ ସିଧାସଳଖ ସହାୟତା ପଠାଯାଇଥିଲା। ଏଥିସହ ସରକାର ନିର୍ମାଣ ଶ୍ରମିକଙ୍କ ଆକାଉଣ୍ଟକୁ ଟଙ୍କା ପଠାଯାଇଛି। , ଜନ ଧନର ୨୦୦ ନିୟୁତ ଲୋକଙ୍କ ଆକାଉଣ୍ଟକୁ ଟଙ୍କା ପଠାଯାଇଥିଲା।
-ପ୍ରବାସୀ ଶ୍ରମିକମାନଙ୍କୁ ଖାଦ୍ୟ ଶସ୍ୟ ପ୍ରଦାନ କରାଯାଉଛି, କେନ୍ଦ୍ର ସରକାର ଟ୍ରେନ୍ ଖର୍ଚ୍ଚର ୮୫ ପ୍ରତିଶତ ପର୍ୟ୍ୟନ୍ତ ଦେଇଛନ୍ତି, କାର୍ୟ୍ୟର ଅଭାବ ନହେବା ପାଇଁ ୪୦,୦୦୦ କୋଟି ଟଙ୍କାର ଅତିରିକ୍ତ ବ୍ୟବସ୍ଥା କରାଯାଇଛି।
