ନୂଆଦିଲ୍ଲୀ : ବଜାରରେ ବହୁ ସଂଖ୍ୟାରେ ୫୦ ଏବଂ ୧୦୦ ଟଙ୍କିଆ ଜାଲ୍ ନୋଟ ବୁଲୁଛି। ଲୋକେ ଏହାକୁ ସହଜରେ ଚିହ୍ନି ପାରୁନାହାନ୍ତି। ତବେ ବ୍ୟାଙ୍କକୁ ଜମା ପାଇଁ ଆସିବା ବେଳେ ଏଭଳି ଅନେକ୍ ଜାଲ ନୋଟ ଧରାପଡୁଛି। ଏହା ଆରବିଆଇର ଏକ ରିପୋର୍ଟରୁ ସ୍ପଷ୍ଟ ହୋଇଛି। ରିଜର୍ଭ ବ୍ୟାଙ୍କ ଅଫ ଇଣ୍ଡିଆ (ଆରବିଆଇ) ପକ୍ଷରୁ ବୁଧବାର ଜାରି ରିପୋର୍ଟରେ କୁହାଯାଇଛି ଯେ ଚଳିତ ବର୍ଷ ବିଭିନ୍ନ ବ୍ୟାଙ୍କରେ ୩୫% ଅଧିକ ୧୦୦ ଟଙ୍କିଆ ଏବଂ ୧୫୪.୩% ୫୦ ଟଙ୍କିଆ ଜାଲ୍ ନୋଟ୍ ଚିହ୍ନଟ କରାଯାଇଛି। ବ୍ୟାଙ୍କମାନଙ୍କରେ ୯୮୯୨ଟି ୫୦୦ ଟଙ୍କିଆ ଏବଂ ୧୭୯୨୯ଟି ୨୦୦୦ ଟଙ୍କିଆ ଜାଲ୍ ନୋଟ ଚିହ୍ନଟ କରାଯାଇଛି।
ତେବେ ବିମୁଦ୍ରାୟନ ପରେ ୨୦୧୭-୧୮ରେ ଜାଲ୍ ନୋଟ୍ ସଂଖ୍ୟା ହ୍ରାସ ପାଇଛି। ୨୦୧୫-୧୬ରେ ୬୩୨୯୨୬ଟି ଜାଲ ନୋଟ ଧରାଯାଇଥିଲା। ଏହାପରେ ୨୦୧୬-୧୭ରେ ୭୬୨୦୭୨ଟି ଏବଂ ୨୦୧୭-୧୮ରେ ୫୨୨୭୮୩ଟି ଜାଲ୍ ନୋଟ୍ ଧରାଯାଇଛି। ଆରବିଆଇ ଅନୁସାରେ ୨୦୧୭-୧୮ ବର୍ଷରେ ଜାଲ ନୋଟ ପରିମାଣ ୩୧.୪% ହ୍ରାସ ପାଇଛି। ମାତ୍ର ୫୦ ଏବଂ ୧୦୦ ଟଙ୍କିଆ ଜାଲ ନୋଟ୍ ସଂଖ୍ୟା ବଢି ଚାଲିଛି।
