ଫୁଲବାଣୀ: ବୌଦ୍ଧ ଜିଲାରେ ବେଆଇନ ଭାବରେ ବିସ୍ତୀର୍ଣ୍ଣ ଅଞ୍ଚଳରେ ଚାଷ କରାଯାଇଥିବା ଗଞ୍ଜେଇ ଗଛଗୁଡିକୁ ଅବକାରୀ, ଜଙ୍ଗଲ ଓ ପୁଲିସ ବିଭାଗର ମିଳିତ ଅଭିଯାନରେ ନଷ୍ଟ କରିଦିଆଯାଇଛି । ସୂଚନାଯୋଗ୍ୟ ଯେ ବୌଦ୍ଧ ଜିଲାରୁ ରାଜ୍ୟ ଭିତରେ ଏବଂ ବାହାରକୁ ଗଞ୍ଜେଇ ଚୋରାରେ ଚାଲାଣ ହେଉଥିବାବେଳେ ବିଭିନ୍ନ ସମୟରେ ଜବତ କରାଯାଉଛି । ଏ ସମ୍ପର୍କରେ ଅବକାରୀ ଓ ପୁଲିସ ବିଭାଗ ପକ୍ଷରୁ ଅଧିକ ତଦନ୍ତ କରାଯିବା ପରେ ଜିଲାର ବୋଦ୍ଧ ଥାନା ଅନ୍ତର୍ଗତ ଝଙ୍କରପଡା ମୌଜାରେ ବେଆଇନ ଭାବରେ ବିସ୍ତୀର୍ଣ୍ଣ ଅଞ୍ଚଳରେ ଗଞ୍ଜେଇ ଚାଷ କରାଯାଇଥିବା ଜଣାପଡିଥିଲା । ଏହାପରେ ଅବକାରୀ, ଜଙ୍ଗଲ ବିଭାଗ ଏବଂ ପୁଲିସ ବିଭାଗର ଅଧିକାରୀ ଓ କର୍ମଚାରୀମାନେ ମିଳିତ ଭାବରେ ସେଠାରେ ଚଢଉ କରି ପ୍ରାୟ ୯୯.୨୪ ଏକର ପରିମିତ ଜମିରେ ହୋଇଥିବା ଗଞ୍ଜେଇ ଗଛଗୁଡିକୁ ନଷ୍ଟ କରିଦେଇଥିଲେ । ଏ ସମ୍ପର୍କରେ ବୌଦ୍ଧ ଥାନାରେ ଏକ ମାମଲା ରୁଜ୍ଜୁ କରାଯାଇ ଅଧିକ ତଦନ୍ତ ଚାଲୁ ରହିଛି ।
Comments are closed.