ଲେଉଟିଲେ ୨୫ ଟିକିଆ ହାତୀପଲ 

ଜି ଉଦୟଗିରି : ଉତ୍ତର ଘୁମୁସର ବନଖଣ୍ଡ ମୂଜାଗଡ ବନାଞ୍ଚଳ ଅନ୍ତର୍ଗତ ଦରପଙ୍ଗିଆ ଜଙ୍ଗଲରୁ ଦୀର୍ଘ ତିନି ଦିନ ବ୍ୟବଧାନରେ ପୁଣି ଫୁଲବାଣୀ ବନଖଣ୍ଡର ଜି ଉଦୟଗିରି ବନାଞ୍ଚଳ ଅନ୍ତର୍ଗତ କଳିଙ୍ଗା ସେକ୍ସନର କୁର୍ମୀଙ୍ଗିଆ ଓ ରେଟୁଡ଼ି ଅଞ୍ଚଳରେ ଧାନ ଫସଲ ଓ କଦଳୀବଗିଚା ନଷ୍ଟ କରି ଫେରିଥିବାବେଳେ ପୁଣି ଦୀର୍ଘ ତିନି ଦିନ ବ୍ୟବଧାନରେ ମଙ୍ଗଳବାର ବିଳମ୍ବିତ ରାତିରେ ୨୫ ଟିକିଆ ହାତୀପଲ କଳିଙ୍ଗା ସେକ୍ସନର କୂର୍ମୀଙ୍ଗିଆ ଅଞ୍ଚଳରେ ନିଜର ଉପସ୍ଥିତି ଜାହିର କରିବା ସହ ଜିତେନ୍ଦ୍ର ପ୍ରଧାନ, ମଲିନ୍ଦ୍ର ପ୍ରଧାନ ଓ ରାଜେଶ ପ୍ରଧାନ ଙ୍କ ଘର ଭାଙ୍ଗିବା ଜଣାପଡ଼ିଛି। ଉକ୍ତ ୨୫ ଟିକିଆ ହାତୀପଲରେ ଦନ୍ତା, ମାଇ ଓ ଛୁଆ ହାତୀ ଥିବା ନେଇ ଓ ଦରପାଙ୍ଗିଆ ଜଙ୍ଗଲକୁ ଫେରିଯାଇଥିବା ବନ ବିଭାଗ ସୂଚନା ଦେଇଛି।