ନୂଆଦିଲ୍ଲୀ : ନିକଟରେ ସାମାଜିକ ଗଣମାଧ୍ୟମରେ ଏକ ଚକିତ କରିଦେବା ଭଳି ଭିଡିଓ ଭାଇରାଲ ହେଉଛି । ଏଥିରେ ୨ଟି ହାତୀ ପରସ୍ପର ଉପରେ ଆକ୍ରମଣ କରୁଥିବା ନଜର ଆସୁଛନ୍ତି । କୁହାଯାଉଛି କି କେରଳର ତ୍ରିଶୁରରେ ଅରାତୁପୁଝା ଉତ୍ସବ ସମୟରେ ହାତୀ ୨ଟି ପରସ୍ପର ସହ ଲଢେଇ ଆରମ୍ଭ କରିଦେଲେ ।
କେରଳର ତ୍ରିଶୁରରେ ଅରାତୁପୁଝା ଉତ୍ସବ ସମୟରେ ୨ ହାତୀ ପରସ୍ପରକୁ କଲେ ଆକ୍ରମଣ, ହାତୀଙ୍କ ତାଣ୍ଡବ ଦେଖି ଭୟରେ ଦୌଡିଲେ ଲୋକେ #samajalive #Elephantattack #Arattupuzhafestival pic.twitter.com/HrI4Rpor9S
— Samaja Live (@samajalive) March 24, 2024
ପରମ୍ପରା ଅନୁସାରେ ହାତୀଙ୍କୁ ଉତ୍ସବରେ ସାମିଲ ହେବା ପାଇଁ ମଗାଯାଇଥିଲା । କିନ୍ତୁ ଅଚାନକ କାର୍ଯ୍ୟକ୍ରମ ଚାଲିଥିବା ସମୟରେ ହାତୀ ୨ଟି ଲଢେଇ କରିବାକୁ ଲାଗିଲେ । ଏହି ଅବସରରେ ଚାରିଆଡେ ଦୌଡାଦୌଡି ଲାଗିଗଲା । ସମସ୍ତେ ନିଜକୁ ରକ୍ଷା କରିବା ପାଇଁ ସୁରକ୍ଷିତ ସ୍ଥାନକୁ ଦୌଡି ପଳାଇଲେ । ତେବେ ଏହି ସମୟରେ କିଛି ଲୋକ ଆହତ ହୋଇଛନ୍ତି । ଏହି ଘଟଣା ପ୍ରାୟ ରାତି ସାଢେ ୧୦ଟା ସମୟରେ ଘଟିଥିଲା । ତେବେ ହାତୀ ଦ୍ବୟଙ୍କୁ ନିୟନ୍ତ୍ରଣ କରିବା ପାଇଁ ପ୍ରାୟ ଅଧଘଣ୍ଟା ଲାଗିଯାଇଥିଲା ।
