ସମାଜ ପୋର୍ଟାଲ ଡେସ୍କ : ୨୪ ଘଣ୍ଟା ମଧ୍ୟରେ କ୍ରମାଗତ ଦ୍ବିତୀୟ ଥର ପାଇଁ ଦିଲ୍ଲୀରେ ଭୂମିକମ୍ପ ଅନୁଭୁତ ହୋଇଛି । ଯାହା ଦିଲ୍ଲୀବାସୀଙ୍କ ମଧ୍ୟରେ ଏକ ଭୟର ବାତାବରଣ ସୃଷ୍ଟି କରିଦେଇଛି । ଦିଲ୍ଲୀ- ଏନସିଆରରେ କ୍ରମାଗତ ଦ୍ବିତୀୟ ଥର ପାଇଁ ଅନୁଭୁତ ଏହି ଭୂକମ୍ପର ତୀବ୍ରତା ୨.୭ ଥିବା କହିଛି ଭାରତୀୟ ପାଣିପାଗ ବିଭାଗ । ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ ସୋମବାର ଅପରାହ୍ନ ୧.୨୬ ମିନିଟ ସମୟରେ ଭୂକମ୍ପ ଅନୁଭୁତ ହୋଇଥିଲା । ଏହି ଭୂକମ୍ପର କେନ୍ଦ୍ରସ୍ଥଳ ଦିଲ୍ଲୀ ରହିଥିଲା ବୋଲି ମଧ୍ୟ ଜଣାପଡିଥିବା କହିଛି ପାଣିପାଗ ବିଭାଗ ତେବେ ଏହାର ତୀବ୍ରତା କମ୍ ରହିଥିବାରୁ କୌଣସି କ୍ଷୟକ୍ଷତି ହୋଇନଥିବା ଜଣାପଡିଛି ।
ଗତକାଲି ସନ୍ଧ୍ୟା ୫.୪୫ରେ ଦିଲ୍ଲୀ-ଏନସିଆରରେ ଭୁକମ୍ପ ଅନୁଭୁତ ହୋଇଥିଲା । ଏହାପରେ ଆଜି ପୁଣିଥରେ ଭୂକମ୍ପ ହେବାପରେ ଦିଲ୍ଲୀବାସୀ ଭୟଭୀତ ହୋଇପଡିଥିବା ଜଣାପଡିଛି। ତେବେ ଦୁଇଥର ଭୂକମ୍ପ ଅନୁଭୁତ ହୋଇଥିଲେ ମଧ୍ୟ କୌଣସି କ୍ଷୟକ୍ଷତି ହୋଇଥିବା ସୂଚନା ମିଳିନାହିଁ ।
