ଗୁରୁଡିଝାଟିଆ : ଗୁରୁଡିଝାଟିଆ ଥାନା ଅନ୍ତର୍ଗତ କୁମାରପୁର ଶାସନରେ ଶାରଦୀୟ ଦୂର୍ଗାପୂଜା ଉତ୍ସବ ଅନୁଷ୍ଠିତ ହୋଇଯାଇଛି । ସର୍ବଭାରତୀୟ ଶିକ୍ଷକ ନେତା ପ୍ରତାପ କିଶୋର ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ଓଡିଶାର ସଂସ୍କୃତିରେ ଆମ ଗାଁର ଭୂମିକା ଶୀର୍ଷକ ଆଲୋଚନା ଚକ୍ରରେ ରାଜ୍ୟ ସରକାର ପୁରସ୍କାର ପ୍ରାପ୍ତ ଶିକ୍ଷକ ବିଷ୍ଣୁ ଚରଣ ମିଶ୍ର ମୁଖ୍ୟ ଅତିଥି ଭାବରେ ଯୋଗ ଦେଇ କୁମାରପୁର ଶାସନର ଭୂମିକା ସଂପର୍କରେ ଆଲୋକପାତ କରି ଏହି ମାଟିର ମହକ ସାଧୁଚରଣ ଦାସ ପ୍ରାୟ ୩ଶହ ବର୍ଷପୂର୍ବେ ହାତ ଲେଖା ଖବରକାଗଜ ପ୍ରତିଷ୍ଠା କରି ଗାଁର ଭୂମିକାକୁ ଗୌରବଜ୍ୱଳ କରିଥିଲେ। ଇଂ ପ୍ରଭାତ କୁମାର ମହାପାତ୍ର, କବି ପ୍ରଫୁଲ କୁମାର ମହାପାତ୍ର, ବିଧାୟକ ପ୍ରତିନିଧି ରଞ୍ଜନ ଆଚାର୍ଯ୍ୟ, ପ୍ରବୀଣ କୁମାର ମହାପାତ୍ର, ସରପଞ୍ଚ ଦୀପକ ଆଚାର୍ଯ୍ୟ, ପଣ୍ଡିତ ବ୍ରଜବନ୍ଧୁ ମିଶ୍ର, ପଣ୍ଡିତ ବିଧୁଭୂଷଣ ଆଚାର୍ଯ୍ୟ, ପ୍ରଦ୍ୟୁମ୍ନ କୁମାର ମହାପାତ୍ର ପ୍ରମୁଖ ଗାଁର ଐତିହ୍ୟ, ପରମ୍ପରା ଓ ସଂସ୍କୃତି ବିଷୟରେ ଆଲୋକପାତ କରିଥିଲେ । ଗାଁ ସଂପାଦକ ଆଶିଷ କୁମାର ମିଶ୍ର ଧନ୍ୟବାଦ ଅର୍ପଣ କରିଥିଲେ।
