ନବରଙ୍ଗପୁର : ନବରଙ୍ଗପୁରରେ ଶନିବାର ଏକ ନକଲି ଖଇନି କାରଖାନା ଠାବ ହୋଇଛି । ପୁଲିସ ସେଠାରୁ ବିପୁଳ ପରିମାଣରେ ନକଲି ଖଇନି, ବନଦୁର୍ଗା ବ୍ରାଣ୍ଡ ଥିବା ପ୍ୟାକେଜିଂ ଜରି ଓ ମେସିନ୍ ଜବତ କରିଛି ।
ସୂଚନା ଅନୁଯାୟୀ, ବନଦୁର୍ଗା ଖଇନିର ପ୍ରକୃତ ମାଲିକ ହେଉଛନ୍ତି ଅନ୍ୟ ଜଣେ ବ୍ୟକ୍ତି । ହଠାତ ତାଙ୍କ ବ୍ୟବସାୟ କମିଯିବାରୁ ସେ ତାହାର କାରଣ ଖୋଜିବାକୁ ଚେଷ୍ଟା କରିଥିଲେ । ପରେ ସେ ଜାଣିବାକୁ ପାଇଥିଲେ ତାଙ୍କ ବ୍ରାଣ୍ଡକୁ ବ୍ୟବହାର କରି ନକଲି ଖଇନି ବଜାରକୁ ଛଡ଼ାଯାଉଛି। ପିଙ୍କୁ ସାହୁ ନାମକ ଜଣେ ବ୍ୟକ୍ତି ତାଙ୍କ ବ୍ରାଣ୍ଡ ବନଦୁର୍ଗା ନାମରେ ନକଲି ଖଇନି ତିଆରି କରି ବଜାରକୁ ଛାଡ଼ୁଥିଲେ । ଏହା ପରେ ସେ ଏ ସମ୍ପର୍କରେ ନବରଙ୍ଗପୁର ପୁଲିସକୁ ଜଣାଇଥିଲେ । ପୁଲିସ ନକଲି ଖଇନି ତିଆରି କାରଖାନାରେ ଚଢ଼ାଉ କରିଥିଲା। ନକଲି ଖଇନି ତଆରି କରୁଥିବା ମାଲିକ ଫେରାର ଥିବାବେଳେ ସେଠାରେ କାମ କରୁଥିବା ଜଣେ ଶ୍ରମିକଙ୍କୁ ପୁଲିସ ଅଟକ ରଖି ପଚରାଉଚାର ଜାରି ରଖିଛି ।
