ଭୁବନେଶ୍ୱର: ଭୁବନେଶ୍ୱରସ୍ଥିତ ଲକ୍ଷ୍ମୀସାଗର ଅଞ୍ଚଳରେ ମଙ୍ଗଳବାର ସକାଳେ ନକଲି ଖାଇବା ତେଲ କାରଖାନା ଠାବ ହୋଇଛି । ଲକ୍ଷ୍ମୀସାଗର ପୁଲିସ ଖବର ପାଇ ଚଢ଼ାଉ କରି କରାଖାନାକୁ ସିଲ୍ କରିହା ସହ ୩ଜଣ ବ୍ୟବସାୟୀଙ୍କୁ ଗିରଫ କରିଛି । ଚଢ଼ାଉ ସମୟରେ ବିପୁଳ ପରିମାଣରେ ନକଲି ଖାଇବା ତେଲ ଓ ଘିଅ ଜବତ ହୋଇଛି । ବିଭିନ୍ନ କମ୍ପାନୀର ଲୋଗ ଥିବା ବୋତଲରେ ଏସବୁ ଖାଇବା ତେଲ ଓ ଘିଅକୁ ରଖାଯାଇଥିଲା ।
ସୂଚନା ଅନୁଯାୟୀ, ଭୁବନେଶ୍ୱର ଲକ୍ଷ୍ମୀସାଗର ଅଞ୍ଚଳରେ ଅନେକ ଦିନ ଧରି ଖାଇବା ତେଲ ପ୍ରସ୍ତୁତି କାରଖାନା ଚାଲି ଆସିଥିଲା । ତେଲ ବୋତଲରେ ବିଭିନ୍ନ କମ୍ପାନୀର ଲୋଗ ଲଗାଇ ରାଜ୍ୟ ଏହଂ ରାଜ୍ୟ ବାହାରରେ ବିକ୍ରି କରଯାଉଥିଲା । ଏନେଇ ଲକ୍ଷ୍ମୀସାଗର ପୁଲିସ ଖବର ପାଇବା ପରେ ମଙ୍ଗଳବାର ସକାଳେ ସେଠାରେ ଚଢ଼ାଉ କରିଥିଲା । ଏହି କାରବାରରେ ସଂମ୍ପୃକ୍ତ ଥିବା ଲୋକଙ୍କୁ ଖୋଜିବାକୁ ପୁଲିସ ବିଭିନ୍ନ ସ୍ଥାନରେ ଛାନଭିନ୍ ଆରମ୍ଭ କରିଛି ।
Comments are closed.