ଗୁଣୁପୁର : ଗୁଣୁପୁର ସହର ମୁଖ୍ୟ ରାସ୍ତାର ଛକ ଗୁଡିକ ଓସାର ହେବା ସହ ମାଷ୍ଟର ଡ୍ରେନ କରି ଜଳ ନିସ୍କାସନ ନିମନ୍ତେ କୋଟି କୋଟି ଟଙ୍କା ଅନୁଦାନ ଖର୍ଚ୍ଚ ହେଉଛି। ରାଜ୍ୟ ସରକାରଙ୍କ ଅନୁମୋଦନ କ୍ରମେ ଏହି କାମ ଏକ ଠିକା କମ୍ପାନୀ ଆରମ୍ଭ କରିଛି। ରାସ୍ତାର ଉଭୟ ପଟୁ ଗଛ କଟା ସରିଛି। ରାସ୍ତାର ଉଭୟ ପାର୍ଶ୍ବରେ ସିମେଣ୍ଟ ଓ୍ବାଲ ଗୁଡିକ ନିର୍ମାଣ ଚାଲିଛି। ଜଳ ନିସ୍କାସନ ପାଇଁ ଡ୍ରେନ କାମ ଚାଲିଛି। ସଂକୀଣ୍ଣ ଡ୍ରେନ ନିର୍ମାଣ କାମକୁ ନେଇ ଜଳ ନିସ୍କାସନରେ ବାଧା ସୃଷ୍ଟି ହେବ ବୋଲି ଆଲୋଚନା ହେଉଛି। ପୂର୍ତ୍ତ ବିଭାଗ ସଂକୀଣ୍ଣ ଡ୍ରେନ୍ କରୁଥିବାବେଳେ ବେସରକାରୀ ଅନୁଷ୍ଠାନ ଓ ବିଭିନ୍ନ ବ୍ୟବସାୟିକ ଦୋକାନ ଗୁଡିକର ଜଳ ନିସ୍କାସନ ନିମନ୍ତେ ସେମାନେ ନିଜେ ମାଷ୍ଟର ଡ୍ରେନ ନିର୍ମାଣ କରିଛନ୍ତି।
ଡ୍ରେନ ନିର୍ମାଣ କାମର ତାରତମ୍ୟକୁ ନେଇ ପୂର୍ତ୍ତବିଭାଗ ଉପରେ ସ୍ଥାନୀୟ ଜନସାଧାରଣଙ୍କ ଅସେନ୍ତୋଷ ବଢିବାରେ ଲାଗିଛି। ନିର୍ମାଣଧିନ ଡ୍ରେନରେ ଗୁଣୁପୁର ପୈାରପରିଷଦର ବଳରାମ ନନର, ବାବୁଲି ନଗର, ବୃନ୍ଦାବତୀ ନଗର, ଆଦର୍ଶନଗର, ମୁତେଲୁ ନଗର, ଜଗନ୍ନାଥ ନଗର, ଆମୁରୁ ନଗର ଓ ମହିମା ନଗରଠାରେ ଥିବା ଲଣ୍ଡା ପାହାଡ, ଶେଫାଳି ପାହାଡରେ ବର୍ଷା ହେଲେ ପାଣି ଏହି ଡ୍ରେନ୍ ଦେଇ ପ୍ରବାହିତ କରିବ। ପୂର୍ତ୍ତବିଭାଗ କରୁଥିବା ଡ୍ରେନର ପ୍ରସ୍ଥ ସଂକୀର୍ଣ୍ଣ ରହିଥିବାରୁ ଏହି ଅଞ୍ଚଳ ଗୁଡିକର ଜଳ ନିସ୍କାସନରେ ବାଧା ସୃଷ୍ଟି ହେବ। ଆଗକୁ ଡ୍ରେନ୍ ଜାମ୍ ହୋଇ କୃତ୍ରିମ ବନ୍ୟା ହେବାର ଆଶଙ୍କା ରହିଛି ବୋଲି ଆଲୋଚନା ହେଉଛି।
Comments are closed.