ନୂଆଦିଲ୍ଲୀ : ଦେଶର ସର୍ବ ବୃହତ ଲୋକସେବା ପ୍ରସାରଣକାରୀ ଦୂରଦର୍ଶନ ୬୪ ବର୍ଷ ପୂରଣ କରି ୬୫ ବର୍ଷରେ ପଦାର୍ପଣ କରିଛି । ୧୯୫୯ ମସିହା ଆଜିର ଦିନରେ ଦୂରଦର୍ଶନ ପ୍ରଥମଥର ଲାଗି ତା’ର ପ୍ରସାରଣ ଆରମ୍ଭ କରିଥିଲା । ଦୂରଦର୍ଶନ ଲୋକମାନଙ୍କୁ ସଠିକ୍ ତଥ୍ୟ ଓ ସୂଚନା ଏବଂ ବିଶ୍ୱସନୀୟ ସମ୍ବାଦ ପରିବେଷଣ କରି ଆସୁଛି। ଏହା ବ୍ୟତୀତ ମନୋରଂଜନ ଓ ସାଂସ୍କୃତିକ କାର୍ଯ୍ୟକ୍ରମଗୁଡ଼ିକୁ ଦେଶର କୋଣ ଅନୁକୋଣରେ ପହଞ୍ଚାଇଛି । ତେବେ ୬୪ବର୍ଷ ତଳେ ତାହା କେବଳ ଦିଲ୍ଲୀ ମହାନଗରୀ ମଧ୍ୟରେ ସୀମିତ ଥିବାବେଳେ ଆଜି ଦୂରଦର୍ଶନ ପ୍ରସାରଣ ଜାତୀୟ ତଥା ଆନ୍ତର୍ଜାତୀୟ ସ୍ତରକୁ ପରିବ୍ୟାପ୍ତ ହୋଇଛି। ଅନ୍ୟମାନଙ୍କ କୋଳାହଳ ମଧ୍ୟରେ ଶାଳୀନତା ବଜାୟ ରଖି ଦୂରଦର୍ଶନ କାର୍ଯ୍ୟକ୍ରମ ପ୍ରସାରଣ କରୁଛି । ୭୦ ଏବଂ ୮୦ ଦଶକରେ ଦୂରଦର୍ଶନ ସଙ୍ଗରେ ହିଁ ଲୋକମାନଙ୍କ ଜୀବନ ଗତି କରୁଥିଲା। ସମାଚାର ହେଉ କି ରାମାୟଣ, ମହାଭାରତ ହେଉ କିମ୍ବା ନୂଆ ନୂଆ ଗୀତର କାର୍ଯ୍ୟକ୍ରମ ଚିତ୍ରହାର ଓ ରଙ୍ଗୋଲୀ। ସମସ୍ତେ ଅପେକ୍ଷା କରି ବସୁଥିଲେ ପ୍ରସାରଣକୁ ।
ଆଜି ୬୪ ବର୍ଷର ଯାତ୍ରା ସାରି ୬୫ ବର୍ଷରେ ପ୍ରବେଶ କରିଛି ଦୂରଦର୍ଶନ । ଅନେକ ପରିବର୍ତ୍ତିତ ପରିସ୍ଥିତିକୁ ସାମ୍ନା କରି ଦୂରଦର୍ଶନ, ଘରୋଇ ଟିଭି ଚାନେଲ ମଧ୍ୟରେ ନିଜର ସ୍ୱତନ୍ତ୍ର ପରିଚୟ ବଜାୟ ରଖିଛି ।
Comments are closed.