ଗର୍ଭାବସ୍ଥାରେ କରନ୍ତୁ ନାହିଁ ଏସବୁ ଭୁଲ୍

ସାଧାରଣତଃ ଏହା ପ୍ରାୟ ଆମେ ସମସ୍ତେ ଜାଣନ୍ତି ଯେ ଗର୍ଭାବସ୍ଥାରେ ମହିଳାଙ୍କୁ ବିଶେଷ ଭାବେ ଯତ୍ନବାନ୍ ଓ ସତର୍କ ରହିବାକୁ ପଡ଼ିଥାଏ। କାରଣ ତାଙ୍କର ପ୍ରତ୍ୟେକଟି କାର୍ୟ୍ୟ ତାଙ୍କ ଗର୍ଭରେ ଥିବା ଶିଶୁ ଉପରେ ପ୍ରଭାବ ପକାଇଥାଏ। ତେବେ ଖୁବ୍ କମ୍ ଲୋକେ ଏବିଷୟରେ ଅବଗତ ଯେ, ଏପରି କିଛି କାର୍ୟ୍ୟ ଅଛି ଯାହାକୁ ଗର୍ଭବତୀ ମହିଳା ଭୁଲରେ ମଧ୍ୟ କରିବା ଉଚିତ ନୁହେଁ। ଚାଲନ୍ତୁ ଜାଣିବା ସେହି ସବୁ କାର୍ଯ୍ୟ ବିଷୟରେ-

-କୌଣସି ରଙ୍ଗର ବାସ୍ନା କିମ୍ବା ନେଲ୍ ପଲିସର ବାସ୍ନା ଆଦିରୁ ଗର୍ଭବତୀ ମହିଳା ନିଜକୁ ଦୂରେଇ ରଖିବା ଉଚିତ। ବିଶେଷ କରି ସେପରି କିଛି ବସ୍ନାରୁ ଦୂରେଇ ରୁହନ୍ତୁ ଯାହାକୁ ଶୁଂଘିବା ମାତ୍ରେ ଆପଣଙ୍କୁ ଅସ୍ବସ୍ତିକର ଅନୁଭୂତ ହେଉଛି। କାରଣ ଏହା ଖାଲି ଆପଣଙ୍କ ପାଇଁ ନୁହେଁ ବରଂ ଆପଣଙ୍କ ଶିଶୁର ସ୍ବାସ୍ଥ୍ୟ ପାଇଁ ମଧ୍ୟ ଖୁବ୍ କ୍ଷତିକାରକ ହୋଇଥାଏ।
-ଗର୍ଭବତୀମାନେ ପିଠି ମାଡ଼ି ଶୁଅନ୍ତୁ ନାହିଁ। କାରଣ ଏପରି ଶୋଇବା ଦ୍ବାରା ନିଃଶ୍ବାସ-ପ୍ରଶ୍ବାସରେ ଅସୁବିଧା ହୋଇଥାଏ। ଯାହା ଗର୍ଭବତୀ ମହିଳାଙ୍କ ପାଇଁ ଆଦୌ ଠିକ୍ ହୋଇନଥାଏ। ତେଣୁ ସବୁବେଳେ ବାମ ଅଥବା ଡାହାଣ କଡ଼ ମାଡ଼ି ଶୋଇବାକୁ ଚେଷ୍ଟା କରନ୍ତୁ।
-କେବେହେଲେ ଏକୁଟିଆ ରୁହନ୍ତୁ ନାହିଁ। କାରଣ ଏହି ସମୟରେ ଏକୁଟିଆ ରହିବା ଦ୍ବାରା ମନରେ ଅନେକ କଥା ଚାଲିଥାଏ ଯାହା ଶିଶୁ ଉପରେ ପ୍ରଭାବ ପକାଇଥାଏ। ତେଣୁ ଏହି ସମୟରେ ନିଜକୁ ବ୍ୟସ୍ତ ରଖିବାକୁ ଚେଷ୍ଟା କରନ୍ତୁ।
-ଅନେକ ମହିଳା ଗର୍ଭାବସ୍ଥାରେ ଫେସିଆଲ୍ କରିଥା’ନ୍ତି। ହେଲେ ଏପରି କରିବା ଉଚିତ୍ ନୁହେଁ। କାରଣ ଫେସିଆ୍ଲ କରିବା ସମୟରେ କ୍ରିମ୍ ଆଦିର କିଛି ଅଂଶ ଆପଣଙ୍କ ଚର୍ମ ମଧ୍ୟକୁ ଯାଇଥାଏ। ଯାହା ଗର୍ଭବତୀ ମହିଳାଙ୍କ ପାଇଁ କ୍ଷତିକାରକ ସାବ୍ୟସ୍ତ ହୋଇଥାଏ।