ସମାଜ ଡିଜିଟାଲ ଡେସ୍କ: ଇସ୍ରାଏଲ ଏବଂ ପାଲେଷ୍ଟାଇନ୍ ମଧ୍ୟରେ ଯୁଦ୍ଧରେ ଗାଜାର ଅନେକ ଶିଶୁ ଓ ମହିଳା ପ୍ରାଣ ହରାଇଥିଲେ । ଦୁଇ ଦେଶ ମଧ୍ୟରେ ଯୁଦ୍ଧ ପରିସ୍ଥିତିରେ ଇସ୍ରାଏଲର ଇରାନ ସହିତ ଯୁଦ୍ଧ କରିଥିଲା । ଯେଉଁଥିରେ ଆମେରିକା ପ୍ରବେଶ କରି ଇସ୍ରାଏଲକୁ ସମର୍ଥନ କରି ଇରାନ ଉପରେ ଆକ୍ରମଣ କରିଥିଲା । ତଥାପି, କିଛି ଦିନ ପୂର୍ବରୁ ଇସ୍ରାଏଲ ଏବଂ ଇରାନ ମଧ୍ୟରେ ଯୁଦ୍ଧବିରତି ଚୁକ୍ତି ହୋଇଥିଲା । ଏହାପରେ ଏବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନେତାନ୍ୟାହୁଙ୍କୁ ଭେଟିବାକୁ ଯାଉଛନ୍ତି । ଜାଣନ୍ତୁ ଉଭୟ ଦେଶର ନେତାଙ୍କ ପାଇଁ ଏହି ମୁଲାକାତ କେତେ ଜରୁରୀ ଓ କାହିଁକି ।
ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ସୋମବାର ଦିନ ଆମେରିକା ଗସ୍ତରେ ଆସୁଛନ୍ତି । ଉଭୟ ନେତା ଆଜି ହ୍ୱାଇଟ୍ ହାଉସରେ ସାକ୍ଷାତ କରିବାକୁ ଯାଉଛନ୍ତି । ରିପୋର୍ଟ ଅନୁଯାୟୀ ଏହି ବୈଠକରେ ଇରାନ ଯୁଦ୍ଧ ଏବଂ ଗାଜା-ଇସ୍ରାଏଲ ଯୁଦ୍ଧରେ ଅସ୍ତ୍ରବିରତି ଉପରେ ଆଲୋଚନା ହୋଇପାରେ । ନେତାନ୍ୟାହୁଙ୍କ ଆମେରିକା ଗସ୍ତକୁ ଅନେକ ଦୃଷ୍ଟିରୁ ବିଶେଷ ବୋଲି କୁହାଯାଉଛି ।
ରିପୋର୍ଟ ଅନୁଯାୟୀ, ଏହା ଇରାନରେ ହୋଇଥିବା ସାମରିକ କାର୍ଯ୍ୟାନୁଷ୍ଠାନର ବିଜୟକୁ ଦେଖାଯିବ । ଏହା ଗାଜାରେ ଯୁଦ୍ଧବିରତି ପାଇଁ ମଧ୍ୟ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହେବ । ସେହି ସମୟରେ ଏହି ବୈଠକକୁ ଟ୍ରମ୍ପଙ୍କ ପାଇଁ ଆହୁରି ବିଶେଷ ବୋଲି କୁହାଯାଉଛି । ଏହା ମାଧ୍ୟମରେ ଟ୍ରମ୍ପ ଆମେରିକାରେ ତାଙ୍କର ରାଜନୈତିକ ସ୍ଥିଗିତ ମଜବୁତ କରିବାକୁ ଚାହୁଁଛନ୍ତି । ଟ୍ରମ୍ପଙ୍କୁ ସୁଯୋଗ ମିଳିବ ଯେ ସେ ନିଜକୁ ‘ଶାନ୍ତି ସ୍ଥାପନା’ କରିବାକୁ ଚାହୁଁଥିବା ଏକ ଭଲ ନେତା ବୋଲି ଉପସ୍ଥାପନ କରିପାରିବେ ।
