ଆଠଗଡ : ଆଠଗଡ-ଧବଳେଶ୍ୱର ରାସ୍ତାର ଦହିସରା ନିକଟରେ ପ୍ରମିଳା କେଏସକେ ନାମକ ଏକ ଡିଜେଲ ପମ୍ପ ସୋମବାର ଉଦଘାଟିତ ହୋଇଯାଇଛି । ଉକ୍ତ ଇଣ୍ଡିଆନ ଅଏଲ ଫିଲିଙ୍ଗ ଷ୍ଟେସନରେ ଗତ ଜୁଲାଇ ୧୪ ତାରିଖରେ ପେଟ୍ରୋଲ ବିକ୍ରୟ କେନ୍ଦ୍ର ଉଦଘାଟିତ ହୋଇଥିବାବେଳେ ଏବେ ଡିଜେଲ ବିକ୍ରୟ କେନ୍ଦ୍ର ଉଦଘାଟିତ ହୋଇଛି । ଭଲଭୋ ନିର୍ମାଣ ମେସିନର ଓଡିଶା ପାଇଁ ଅଧିକୃତ ବିତରକ ପଲ୍ୟୁଟେକ୍ ଇଞ୍ଜିନିୟରିଙ୍ଗର ମୁଖ୍ୟ କାର୍ଯ୍ୟ ନିର୍ବାହୀ ଦିଲ୍ଲୀପ ତ୍ରିପାଠୀ ମୁଖ୍ୟ ଅତିଥି ଭାବେ ଯୋଗଦେଇ ଉକ୍ତ ଡିଜେଲ ବିକ୍ରୟ କେନ୍ଦ୍ରକୁ ଉଦଘାଟନ କରିଥିଲେ । ପ୍ରମିଳା କେଏସକେ ଫିଲିଙ୍ଗ ଷ୍ଟେସନର ମୁଖ୍ୟ କାର୍ଯ୍ୟ ନିର୍ବାହୀ ଅନିଲ ମିଶ୍ରଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ସାମ୍ବାଦିକ ସୁଧିରଞ୍ଜନ ଦାଶ ଓ ପଲ୍ୟୁଟେକ୍ ଇଞ୍ଜିନିୟରିଙ୍ଗର ବିପଣନ ପରିଚାଳକ ରାଜେନ୍ଦ୍ର କୁମାର ମିଶ୍ର ଯୋଗ ଦେଇଥିଲେ । ଶୁଦ୍ଧ ତୈଳ ଯୋଗାଣ ପାଇଁ ସେମାନେ ପ୍ରତିବଦ୍ଧ ବୋଲି ଫିଲିଙ୍ଗ ଷ୍ଟେସନର ମୁଖ୍ୟ କାର୍ଯ୍ୟ ନିର୍ବାହୀ ଅନିଲ ମିଶ୍ର ପ୍ରକାଶ କରିଥିଲେ । ଉକ୍ତ ଫିଲିଙ୍ଗ ଷ୍ଟେସନର ମୁଖ୍ଯ ପରିଚାଳକ ସୁଶୀଲ କୁମାର ମିଶ୍ର ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ସରୋଜ ମିଶ୍ର, ଅଭିଷେକ ମିଶ୍ର ଓ ଆୟୁଷ ମିଶ୍ର ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।
Popular Categories
Previous article
Next article