ଢେଙ୍କାନାଳ : ଢେଙ୍କାନାଳ ଜିଲ୍ଲା ଓଡ଼ପଡ଼ା ବ୍ଲକ ବଳରାମପୁର ନିକଟସ୍ଥ ଜଙ୍ଗଲରେ ବିୟର ପ୍ୟାକ୍ଟ୍ରି ସ୍ଥାପନ ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ବାତିଲ କରି ଦେଇଛନ୍ତି । ଏହା ସହ ବିୟର ପ୍ୟାକ୍ଟ୍ରି ପ୍ରକଳ୍ପ ଅନ୍ୟତ୍ର ସ୍ଥାନାନ୍ତରିତ କରିବା ପାଇଁ ଏବଂ ଗଛ କଟା ଯାଇଥିବା ସ୍ଥାନରେ ବୃକ୍ଷରୋପଣ ପାଇଁ ମୁଖ୍ୟମନ୍ତ୍ରୀ ନିର୍ଦେଶ ଦେଇଛନ୍ତି ।
ସୂଚନଯୋଗ୍ୟ, ମୁଖ୍ୟମନ୍ତ୍ରୀଙ୍କ ଦ୍ବାରା ଭିଡିଓ କନଫରେନସିଂ ମାଧ୍ୟମରେ ଭିତ୍ତି ପ୍ରସ୍ତର ସ୍ଥାପନ ହୋଇଥିବା ବିୟର ପ୍ୟାକ୍ଟ୍ରିର ଜମି ଆବଣ୍ଟନ ବେଳେ ପ୍ରଶାସନର ଉପସ୍ଥିତିରେ ଶହ ଶହ ଗଛ କଟା ହୋଇଥିଲା। ଏହାକୁ ସ୍ଥାନୀୟ ଲୋକ ବିରୋଧ କରିବା ପରେ ଗଛ କଟା ବନ୍ଦ କରିବାକୁ ରବିବାର ମୁଖ୍ୟମନ୍ତ୍ରୀ ନିର୍ଦେଶ ଦେଇଥିଲେ । ଏଥିସହ ଆରଡିସିଙ୍କୁ ଘଟଣାର ତଦନ୍ତ ଲାଗି ନିର୍ଦ୍ଦେଶ ଦେଇଥିଲେ । ଆରଡିସିଙ୍କ ରିପୋର୍ଟ ଆଧାରରେ ବିୟର ପ୍ୟାକ୍ଟ୍ରି ପ୍ରକଳ୍ପ ବାତିଲ କରାଯାଇଛି ।
