ହରଭଙ୍ଗା: ହରଭଙ୍ଗା ତହସିଲ ଅର୍ନ୍ତଗତ ଖରଭୁଇଁଠାରେ ପଥର କୁଆଁରୀ ଏବଂ କ୍ରସର ବନ୍ଦ ଆନ୍ଦୋଳନ ସହିତ ଗ୍ରାମବାସୀଙ୍କ ପ୍ରତୀକ ଗଣଧାରଣା ବୁଧୁବାର ଦ୍ୱିତୀୟ ଦିନରେ ପହଞ୍ଚିଛି। ଧାରଣାରେ ସ୍କୁଲ ପିଲା ମଧ୍ୟ ସାମିଲ ହେଉଥିବା ଦେଖିବାକୁ ମିଳିଛି। ଯାହାଫଳରେ ଖରଭୁଇଁ ସ୍କୁଲର ପାଠପଢ଼ୁଥିବା ୧୦୭ଜଣ ଛାତ୍ରଛାତ୍ରୀଙ୍କ ମଧ୍ୟରୁ ଗତ ମଙ୍ଗଳବାର ଉପସ୍ଥାନ ସଂଖ୍ୟା ହ୍ରାସପାଇ ୩୬ ରହିଥିଲା। ଆଜି ତଥା ଦ୍ୱିତୀୟ ଦିନ ଗଣଧାରଣାରେ ଉପସ୍ଥାନ ସଂଖ୍ୟା ହ୍ରାସ ପାଇ ୩୩ରେ ପହଞ୍ଚିଥିବା ଜଣାପଡ଼ିଛି। ଏଥିରୁ ଅନୁମାନ କଲେ ବୁଝାପଡୁଛି ଯେ, ପଥର ଶିଳ୍ପକୁ କୋମଳମତି ଶିଶୁ ତଥା ଦେଶର ଭବିଷ୍ୟତମାନେ ମଧ୍ୟ ନାପସନ୍ଦ କରୁଛନ୍ତି। ଶିଶୁମାନେ ପଥର ଶିଳ୍ପର ପ୍ରଭାବ ବୁଝିପାରୁଛନ୍ତି, ମାତ୍ର ଏ ବାବଦରେ ଜିଲାପ୍ରଶାସନ ନିଦାବୁଷ୍ଣୁ ରହିବା ବାସ୍ତବିକ ଗ୍ରାମବାସୀ ଓ ସଚେତନ ନାଗରିକମାନଙ୍କୁ ବ୍ୟଥିତ କରିଛି। ତେଣୁ ଏହାର ତୁରନ୍ତ ସମାଧାନ ଦିଗରେ ଜିଲାପାଳ ହସ୍ତକ୍ଷେପ ନକଲେ ଆଗକୁ ନେଡିଗୁଡ କହୁଣୀକୁ ବୋହିଯିବାର ଯଥେଷ୍ଟ ସମ୍ଭାବନା ରହିଛି।
Comments are closed.