ଧାମରା : ଘରେ କେହି ନଥିବାର ସୁଯୋଗ ନେଇ କୁକୁଡ଼ା କିଣିବା ବାହାନାରେ ମହିଳାଙ୍କ ଘରକୁ ଯାଇ ତାଙ୍କୁ ଟଣା ଘୋଷରା କରିବା ସହିତ ବଳାତ୍କାର ଉଦ୍ୟମ କରିଥିବା ବାଂଶଡା ଥାନାରେ ଅଭିଯୋଗ ହୋଇଛି। ଚଡ଼ଦିଆ ଗ୍ରାମର ରାଜୁ ମହାଳିକଙ୍କ ସ୍ତ୍ରୀ ମନି ମହାଳିକ ଘରେ ଏକା ଥିବା ବେଳେ ସେହି ଗ୍ରାମର ହୃଷିକେଶ ମାଝି(ଗୁନିଆ ) କୁକୁଡ଼ା କିଣିବା ବାହାନାରେ ତାଙ୍କ ଘରକୁ ଯାଇଥିଲା। ଉକ୍ତ ମହିଳାଙ୍କ ସ୍ବାମୀ ବାହାରେ ରହୁଥିବା ବେଳେ ଘରେ ଏକା ରହୁଥିଲେ ମନି । ଏହାର ସୁଯୋଗ ନେଇ କୁକୁଡ଼ା କିଣିବା ବାହାନାରେ ମନ୍ଦ ଉଦ୍ଦେଶ୍ୟ ରଖି ଘର ଭିତରକୁ ଯାଇ ହୃଷିକେଶ ମହିଳାଙ୍କୁ ବଳାତ୍କାର ଉଦ୍ୟମ କରିଥିଲେ। ମହିଳା ଜଣଙ୍କ ପାଟି କରିବାରୁ ହୃଷିକେଶ ସେଠାରୁ ଦୌଡ଼ି ପଳାଇଥିଲେ।
ଏହାପରେ ମହିଳା ଜଣଙ୍କ ବାଂଶଡା ଥାନାରେ ହୃଷିକେଶ ତାଙ୍କୁ ବଳାତ୍କାର ଉଦ୍ୟମ କରିଥିବା ନେଇ ଏକ ଲିଖିତ ଅଭିଯୋଗ କରିଛନ୍ତି। ଏହାସହିତ ହୃଷିକେଶଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି। ଅନ୍ୟପଟେ ଉକ୍ତ ଘଟଣା ସମ୍ପର୍କରେ କାହାକୁ କିଛି ନଜଣାଇବା ପାଇଁ ଉକ୍ତ ମହିଳା ଏବଂ ତାଙ୍କ ସ୍ୱାମୀକୁ ଧମକ ଦିଆ ଯାଉଥିବା ବେଳେ ଥାନାରେ ଅଭିଯୋଗ କଲେ ଜୀବନରୁ ମାରିଦେବା ପାଇଁ ଧମକ ଦିଆଯାଉଥିବା ମଧ୍ୟ ସେ ଅଭିଯୋଗ କରିଛନ୍ତି।
Comments are closed.