ଦେବଗଡ଼ : ବୁଧବାର ରାତ୍ରୀ ପ୍ରାୟ ୮ଟା ସମୟରେ ରିଆମାଳ ବନଖଣ୍ଡ ପଳସମା ଫରେଷ୍ଟ ସେକ୍ସନ ଅନ୍ତର୍ଗତ କଂଟାବାହାଳ ଗ୍ରାମରେ ହାତୀ ଆକ୍ରମଣରେ ଜଣେ ଯୁବକ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁ୍ାୟୀ ଆଜି ରାତ୍ରୀ ପ୍ରାୟ ୮ ଟା ସମୟରେ ଲକ୍ଷ୍ମୀପୁର ଗ୍ରାମର ମଙ୍ଗୁଳୁ ଶବରଙ୍କ ପୁଅ ଶରତ ଶବର (୪୫)ନାମକ ଜଣେ ଯୁବକ ନିକଟସ୍ଥ କଂଟାବାହାଳ ଗ୍ରାମରୁ ଏକ ସାଇକେଲ ଯୋଗେ ନିଜ ଗ୍ରାମ ଲକ୍ଷ୍ମୀପୁରକୁ ଫେରୁଥିଲେ ।
ତେବେ ସେ କଂଟାବାହଳ ଖେଳ ପଡିଆ ପାରିହୋଇ ବାହାଡା ଛକ ନିକଟସ୍ଥ ମୂଖ୍ୟ ରାସ୍ତାରେ ପହଂଚିବା ସମୟରେ ଏକ ଜଂଗଲୀ ଦନ୍ତା ହାତୀ ତାଙ୍କୁ ଆକ୍ରମଣ କରିବାସହ ପାଦରେ ଦଳି ଚାଲିଯାଥିଲା । ଫଳରେ ଶରତ ଗୁରୁତର ଆହତ ଅବସ୍ଥାରେ ସେଠାରେ ପଡିରହିଥିଲେ । ଉକ୍ତ ରାସ୍ତା ଦେଇ ଯାଉଥିବା କେତେକ ପଥଚାରୀ ତାଙ୍କୁ ଏଭଳି ଅବସ୍ତାରେ ଦେଖି ଉଦ୍ଧାର କରିବାସହ ଚିକିତ୍ସା ନିମନ୍ତେ ତାଙ୍କୁ ନିକଟସ୍ଥ ଛତାବର ଡାକ୍ତରଖାନାରେ ଭର୍ତ୍ତୀ କରିଥିଲେ ।
ମାତ୍ର ଅବସ୍ଥା ଗୁରୁତର ଥିବାରୁ ଅଧିକ ଚିକତ୍ସା ନିମନ୍ତେ ତାଙ୍କୁ ଦେବଗଡ ଜିଲା ମୂଖ୍ୟ ଚିକିତ୍ସାଳୟରେ ଭର୍ତ୍ତୀ କରାଯାଇଛି । ସୂଚନା ପାଇ ପଳସମା ଫରେଷ୍ଟର ସୁବାସ ଚନ୍ଦ୍ର ଦେହୁରୀ ଡାକ୍ତରଖାନାରେ ପହଂଚି ଆବଶ୍ୟକ ଚିକିତ୍ସା ସେବା ଯୋଗାଇଦେବା ସହ ବିଭାଗୀୟ କର୍ମଚାରୀଙ୍କ ସହାୟତାରେ ଜନବସତି ନିକଟରୁ ଉକ୍ତ ଦନ୍ତା ହାତୀଟିକୁ ଜଙ୍ଗଲକୁ ଘଉଡାଇବାର ବ୍ୟବସ୍ଥା କରୁଥିବା ଜଣାପଡିଛି ।
