ଦେବଗଡ଼ : ଦେବଗଡ଼ ସହରଠାରୁ ୯ କ.ମି ଦୂର ଦେବଗଡ ଥାନା ଅନ୍ତର୍ଗତ କାଲକାଠ ଗ୍ରାମରେ ରବିବାର ସନ୍ଧ୍ୟାରେ ଏକ ଚାଷ ଜମି ଭିତରକୁ ବାଇକ ପଶି ଯିବାରୁ ସେଥିରେ ବସିଥିବା ଜଣେ କାଉଡିଆର ମୃତ୍ୟୁ ଘଟିଛି । ବାଇକରେ ବସିଥିବା ଅନ୍ୟ ଦୁଇଜଣ ଆହତ ହୋଇଥିବା ଜଣା ପଡିଛି ।
ମିଳିଥିବା ସୂଚନା ଅନୁସାରେ ଦେବଗଡ ଥାନା ଅନ୍ତର୍ଗତ ଅଶନନାଳି ଗ୍ରାମର ୩ ଜଣ ଯୁବକ ବୋଲବମ୍ ଯିବା ପାଇଁ ବାଇକ ଯୋଗେ କୁଣ୍ଠେଇଗୋଳା ଥାନା ଅନ୍ତର୍ଗତ କଟାଶର ମନ୍ଦିର ଅଭିମୁଖେ ଯାଉଥିଲେ। ତେବେ କାଲକାଠ ଗ୍ରାମ ନିକଟରେ ବାଇକ ଚାଳକ ଭାରସାମ୍ୟ ହରାଇବାରୁ ଚାଷ ଜମି ଭିତରକୁ ବାଇକ ପଶିଯାଇଥିଲା । ଫଳରେ ଉତ୍ତମ ଳୁହାର, ରବି ସାମଲ ଓ ସମୀର ପ୍ରଧାନ ଆହତ ହୋଇଥିଲେ। କିନ୍ତୁ ଗୁରୁତର ଅବସ୍ଥାରେ ଉତ୍ତମକୁ ଦେବଗଡ଼ ମୁଖ୍ୟ ଚିକିତ୍ସାଳୟକୁ ନିଆ ଯାଇଥିଲା। ହେଲେ ଡ଼ାକ୍ତର ସେଠାରେ ତା’କୁ ମୃୃତ ଘୋଷଣା କରିଥିଲେ। ଅନ୍ୟପକ୍ଷରେ ରବି ସାମଲଙ୍କ ଅବସ୍ଥା ଗୁରୁତର ହେବାକୁ ତାଙ୍କୁ ବୁର୍ଲା ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରୀତ କରାଯାଇଛି। ସମୀର ସାମାନ୍ୟ ଆହତ ହୋଇଛନ୍ତି।
Comments are closed.