ନୂଆଦିଲ୍ଲୀ: ଆରମ୍ଭ ହୋଇଛି ପାର୍ବଣ ଋତୁ, ଆଗକୁ ଦୀପାବଳି। ବାୟୁ ପ୍ରଦୂଷଣ ଓ ଧନଜୀବନ ସୁରକ୍ଷାକୁ ଦୃଷ୍ଟିରେ ରଖି ଦେଶର ରାଜଧାନୀ ଦିଲ୍ଲୀରେ ସମସ୍ତ ପ୍ରକାର ବାଣ ତିଆରି, ବିକ୍ରି ଓ ବ୍ୟବହାର ଉପରେ ନିଷେଧାଦେଶ ଜାରି ହୋଇଛି। ସବୁଜ ବାଣ ବ୍ୟବହାର ଉପରେ ମଧ୍ୟ କଟକଣା ରହିଛି। ତେବେ ଓଡ଼ିଶାରେ ଏଭଳି କଟକଣା କେବେ ଲାଗୁ ହେବ ବୋଲି ସାଧାରଣରେ ପ୍ରଶ୍ନ ଉଠିଛି। ବାଣ ବିସ୍ଫୋରଣରେ ରଜ୍ୟରେ ଏକାଧିକ ଜୀବନ ଯିବା ନଜିର ରହିଛି। ତେଣୁ ବାଣ କାରବାର ଉପରେ କଟକଣା ଲଗାଯିବା ଜରୁରୀ। ବେଆଇନ ବାଣ ପ୍ରସ୍ତୁତି ଓ ବିକ୍ରି ଉପରେ କଟକଣା ରହୁନି। ସବୁ ବର୍ଷ ଦୀପାବଳିରେ ବାଣ ବିସ୍ଫୋରଣ ଘଟୁଛି। ବେଆଇନ ବାଣ ପ୍ରସ୍ତୁତ କରି ଧରାପଡ଼ିଲେ କଠୋର କାର୍ଯ୍ୟାନୁଷ୍ଠାନ ଆଇନ ରହିଛି। ସବୁ ନିୟମକୁ ପଛରେ ପକାଇ ବ୍ୟବସାୟୀ ଜନବସତି ଅଞ୍ଚଳରେ ବାଣ ତିଆରି ହେଉଛି। ବାଣ ଦୋକାନ ଖୋଲିଲେ, ପୁଲିସ ଜାଣୁଛି। ତେଣୁ ବେଆଇନ ବାଣ କାରଖାନା ଉପରେ ନଜର ଦେବାକୁ ଦାବି ହୋଇଛି।
Comments are closed.