ଦେବଗଡ:ବାରକୋଟ ଥାନା ଅନ୍ତର୍ଗତ ଟାଇଁସିରା ଗ୍ରାମରେ ଥିବା ଯୌତୁକ ନାଳ ଚେକଡ୍ୟାମରୁ ଆଜି ଜଣେ ନାବାଲିକାର ଗଳିତ ମୃତଦେହ ଉଦ୍ଧାର କରାଯାଇଛି। ଉଦ୍ଧାର ନାବାଳିକା ଜଣକ ଅନୁଗୁଳ ଜିଲା ପାଳଲହଡା ଥାନା ଅନ୍ତର୍ଗତ ପଟାମୁଣ୍ଡା ଗ୍ରାମର ନିଶାକର ପେଣ୍ଠେଇଙ୍କ ଝିଅ ମୋତି ପେଣ୍ଠେଇ (୧୫)ବୋଲି ଜଣାପଡିଛି। ମିଳିଥିବା ନାବାଳିକା ମୋତି ମାନସିକ ରୋଗରେ ପୀଡିତ ଥିଲେ ଓ ଗତ ୨୩ ତାରିଖ ଠାରୁ ନିଖୋଜ ଥିଲେ। ପରିବାର ଲୋକେ ଏଣେତେଣେ ବହୁ ଖୋଜାଖୋଜି କରିଥିଲେହେଁ ତାଙ୍କର କୌଣସି ସନ୍ଧାନ ମିଳିନଥିଲା। ଆଜି ମଧ୍ୟାହ୍ନରେ ଜଣେ ନାବାଳିକାଙ୍କ ମୃତଦେହ ଯୌତୁକ ନାଳ ଚେକଡ୍ୟାମରେ ଭାସୁଥିବା ସୂଚନା ପାଇ ସେଠାକୁ ଆସିବା ପରେ ମୃତଦେହ ମୋତିଙ୍କର ବୋଲି ଚିହ୍ନଟ କରିବା ସହ ଏନେଇ ବାରକୋଟ ଥାନାରେ ସୂଚନା ଦେଇଥିଲେ। ସୂଚନା ପାଇ ବାରକୋଟ ଥାନା ଭାରପ୍ରାପ୍ତ ଅଧିକାରୀ ରାଜେନ୍ଦ୍ର ମହାପାତ୍ର ସଦଳବଳେ ଯୌତୁକ ନାଳ ଚେକଡ୍ୟାମରୁ ମୋତିଙ୍କର ଗଳିତ ମୃତଦେହ ଉଦ୍ଧାର କରିବା ପରେ ବ୍ୟବଚ୍ଛେଦ ନିମନ୍ତେ ପାଳଲହଡା ଡାକ୍ତରଖାନାକୁ ପଠାଇଥିବା ଜଣାପଡିଛି। ତେବେ କେଉଁ କାରଣରୁ ଓ କିଭଳି ଭାବେ ମୋତିଙ୍କର ମୃତ୍ୟ ଘଟିଛି ତାହା ସ୍ପଷ୍ଟ ହୋଇନାହିଁ ଓ ଶବ ବ୍ୟବଚ୍ଛେଦ ପରେ ଏହା ସ୍ପଷ୍ଟ ହେବ ବୋଲି ଥାନା ଅଧିକାରୀ ଶ୍ରୀ ମହାପାତ୍ର ପ୍ରକାଶ କରିଛନ୍ତି।
Popular Categories
Previous article
Next article