ନୀଳଗିରି : ବାଲିଗୋହିରୀ ଗ୍ରାମରେ ଥିବା ଏକ ପୋଖରୀରେ ଅଘଟଣ ଘଟିଛି । ଟିଉସନରୁ ଫେରିବା ସମୟରେ ଗାଧୋଇବାକୁ ଯାଇ ଦୁଇ ଜଣ ନାବାଳିକା ପ୍ରାଣ ହରାଇଛନ୍ତି । ସେମାନେ ହେଲେ ବସନ୍ତ ବେହେରାଙ୍କ ଝିଅ ବନଶ୍ରୀ, କାହାଳିଆ ଗ୍ରାମର ପରମେଶ୍ୱର ମହାରଣାଙ୍କ ଝିଅ ଜ୍ୟୋତିରେଖା ଓ ମନୋରଞ୍ଜନ ବାରିକଙ୍କ ଝିଅ ଈଶ୍ୱରୀ । ତିନି ଜଣ ସାଙ୍ଗ ପୋଖରୀରେ ଗାଧୋଉ ଥିବା ବେଳେ ପ୍ରଥମେ ବନଶ୍ରୀ ବୁଡ଼ିଯାଇଥିଲେ । ତାଙ୍କୁ ଉଦ୍ଧାର କରିବାକୁ ଯାଇ ଜ୍ୟୋତିରେଖା ଓ ଈଶ୍ୱରୀ ବୁଡ଼ି ଯାଇଥିଲେ । ସେମାନଙ୍କ ଚିତ୍କାର ଶୁଣି ସ୍ଥାନୀୟଲୋକ ସମସ୍ତଙ୍କୁ ଉଦ୍ଧାର କରି ନୀଳଗିରି ମେଡ଼ିକାଲକୁ ଆଣିଥିଲେ । ହେଲେ ସେଠାରେ ଡ଼ାକ୍ତର ବନଶ୍ରୀ ଓ ଜ୍ୟୋତିରେଖାକୁ ମୃତ ବୋଲି ଘୋଷଣା କରିଥିଲେ । ଈଶ୍ୱରୀ ଜୀବିତ ଥିବାର ସୂଚନା ମିଳିଛି । ଜ୍ୟୋତିରେଖା ସପ୍ତମ ଶ୍ରେଣୀ , ଈଶ୍ୱରୀ ଓ ବନଶ୍ରୀ ଦଶମ ଶ୍ରେଣୀ ଛାତ୍ରୀ ବୋଲି ଜଣାପଡିଛି । ଏହି ଘଟଣାରେ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି।
Popular Categories
Previous article
Next article