ଚୌଦ୍ୱାର : କଟକ ବନଖଣ୍ଡ ଅନ୍ତର୍ଗତ ଡାଳିଯୋଡା ଫରେଷ୍ଟ ରେଞ୍ଜର ମହିସାଲଣ୍ଡା ପଞ୍ଚାୟତର ମାଛପଙ୍ଗୀ ଗ୍ରାମ ପାଖ ଏକ ନାଳ ନିକଟରୁ ଏକ ମୃତ ମାଇ ସମ୍ବରକୁ ଗ୍ରାମବାସୀ ମାନେ ଉଦ୍ଧାର କରି ବନବିଭାଗକୁ ହସ୍ତାନ୍ତର କରିଛନ୍ତି । ସମ୍ବରଟିକୁ ଶୀକାର କରିଥିବା ଦୁର୍ବୁତ୍ତ ମାନଙ୍କ ମଧ୍ୟରୁ ଗ୍ରାମବାସୀ ମାନଙ୍କହାତରେ ଧରା ପଡ଼ିଥିବା ରାମଚନ୍ଦ୍ରପୁର ଗ୍ରାମର ବାବୁଲି ବାନରା ନାମକ ଶିକାରୀକୁ ବନବିଭାଗ ଅଟକ ରଖି ଅଧିକ ତଦନ୍ତ ଜାରି ରଖିଛି। ପ୍ରତ୍ୟକ୍ଷଦର୍ଶୀଙ୍କଠାରୁ ପ୍ରକାଶଯେ ମଙ୍ଗଳବାର ସକାଳୁ ବାବୁଲି ଓ ତାର ଅନ୍ୟ ସହଯୋଗୀ ମାନେ ନାଳ ନିକଟରୁ ମୃତ ସମ୍ବରକୁ ନେବା ପାଇଁ ବ୍ୟବସ୍ଥା କରୁଥିବା ବେଳେ ଗ୍ରାମବାସୀ ମାନେ ଏହା ଜାଣି ପାରି ସେମାନଙ୍କୁ କାବୁ କରିବାକୁ ଚେଷ୍ଟା କରିଥିଲେ । ବାବୁଲିକୁ ଲୋକେ କାବୁ କରିନେଇଥିବାବେଳେ ଅନ୍ୟମାନେ ଘଟଣାସ୍ଥଳରୁ ଫେରାର ହୋଇ ଯାଇଥିଲେ । ଖବରପାଇ ମଙ୍ଗରାଜପୁର ଫରେଷ୍ଟର ପୀତବାସ ମହାପାତ୍ର ଓ କର୍ମଚାରୀ ଘଟଣାସ୍ଥଳରେ ପହଞ୍ଚି ମୃତ ସମ୍ବର ସ ଶିକାରୀ ବାବୁଲିକୁ ବନ ବିଭାଗ କାର୍ଯ୍ୟାଳୟକୁ ଆଣିଥିଲେ । ସୋମବାର ରାତିରେ ଶିକାରୀ ମାନେ ଏହି ସମ୍ବରକୁ ଶିକାର କରିଥିବା ଓ ଭୋରୁ ଆସି ଏହାକୁ ନେବାର ଯୋଜନା ଥିଲେ ବୋଲି ଫରେଷ୍ଟର ଶ୍ରୀ ମହାପାତ୍ର ସୁଚନା ଦେଇ ଘଟଣାରେ ସଂପୃକ୍ତ ଅନ୍ୟମାନଙ୍କୁ ଖୁବ ଶିଘ୍ର ଗିରଫ କରାଯିବ ବୋଲି କହିଛନ୍ତି।
Popular Categories
Previous article
Next article