କଲଭର୍ଟ ତଳୁ ଯୁବକଙ୍କ ମୃତଦେହ ଉଦ୍ଧାର

ବଲାଣି: ବଲାଣି ଥାନା ଅନ୍ତର୍ଗତ ବାଳଗୋଡା ବସ୍ତି ନିକଟରେ ଥିବା ଏକ କଲଭର୍ଟ ତଳୁ ଏକ ଯୁବକର ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜଣଙ୍କ ବାଲାଗଡା ବସ୍ତି ଶିଵ ମନ୍ଦିର ନିକଟରେ ରହୁଥିବା ବଦନ ଗୁପ୍ତା ବୋଲି ଜଣାପଡିଛି । ସୂଚନା ମୁତାବକ ବୁଧବାର ସକାଳ ସମୟରେ ଫୁଲ ତୋଳିବାକୁ ବାହାରିଥିବା କିଛି ପିଲା କଲଭର୍ଟ ତଳେ ଏକ ମୃତ ଦେହ ପଡିଥିବା ଦେଖିବା ପରେ ଗ୍ରାମବାସୀ ପୋଲିସକୁ ଘଟଣା ସମ୍ପର୍କରେ ଖବର ଦେଇଥିଲେ । ବଲାଣି ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରିବା ସହିତ ବ୍ୟବଚ୍ଛେଦ ନିମନ୍ତେ ପଠାଇଦେଇଛି । ତେବେ ଶିଵ ମନ୍ଦିର ନିକଟରେ ରହୁ ଥିବା ବଦନ ଗୁପ୍ତା ନିକଟସ୍ଥ କଲଭର୍ଟରେ ଶୋଇ ଥିବା ସମୟରେ କଡ଼ ଲେଉଟିବା ସମୟରେ ତଳକୁ ଖସି ମୃତ୍ୟୁବରଣ କରିଥିବା ପ୍ରାଥମିକ ତଦନ୍ତରୁ ଜଣାପଡିଛି ବୋଲି ବଲାଣି ଥାନା ଅଧିକାରୀ ଶ୍ରୀକାନ୍ତ ସାହୁ ସୂଚନା ଦେଇଛନ୍ତି