ହିନ୍ଦୁ ଧର୍ମରେ ଏପରି କେତେକ ନିୟମ ବର୍ଣ୍ଣନା କରାଯାଇଛି, ଯାହାର ପାଳନ କରିବା ଦ୍ୱାରା ଶୁଭଫଳ ମିଳିଥାଏ। ଜୀବନରୁ ସମସ୍ୟା ଦୂର ହୋଇଥାଏ। ମାତ୍ର କିଛି ନିୟମର ଅଣଦେଖା କରିବା ଦ୍ୱାରା କିମ୍ବା ଅବମାନନା କରିବା ଦ୍ୱାରା ଜୀବନରେ ଦୁଃଖ କଷ୍ଟ ଲାଗି ରହିଥାଏ। ଦୈନନ୍ଦିନ ଜୀବନରେ କରାଯାଉଥିବା କିଛି କାର୍ଯ୍ୟ ଯେପରି ନଖ, କେଶ କେଉଁ ବାରରେ କାଟିବା ଦ୍ୱାରା କି ଫଳ ମିଳେ ଜାଣନ୍ତୁ..
ଧାର୍ମିକ ମାନ୍ୟତା ଅନୁଯାୟୀ, ସୋମବାର ଦିନ ପ୍ରଭୁ ମହାଦେବଙ୍କୁ ସମର୍ପିତ। ଏହି ଦିନ କେଶ-ଦାଢି କାଟନ୍ତୁ ନାହିଁ। ଏହି ବାରରେ କେଶ-ଦାଢି କାଟିବା ଶୁଭଙ୍କର ନୁହେଁ। ଏହାଦ୍ୱାରା ମାନସିକ ଅଶାନ୍ତି ବୃଦ୍ଧି ପାଇଥାଏ।
ମଙ୍ଗଳବାର ଦିନ ପ୍ରଭୁ ହନୁମାନଙ୍କୁ ସମର୍ପିତ। ମଙ୍ଗଳବାର ଦିନ କେଶ କାଟିବା ଦ୍ୱାରା ଆୟୁଷ ହ୍ରାସ ହୋଇଥାଏ ବୋଲି କୁହାଯାଏ।
ବୁଧବାର ଦିନ କେଶ-ଦାଢି କାଟିବା ଦ୍ୱାରା ଘରେ ଉନ୍ନତି ହେବା ସହ ସୁଖସମୃଦ୍ଧି ପ୍ରବେଶ କରିଥାଏ। ଜୀବନରେ ଥିବା ସମସ୍ୟା ମଧ୍ୟ ଦୂର ହୋଇଥାଏ ବୋଲି ମାନ୍ୟତା ରହିଛି।
ଧାର୍ମିକ ମାନ୍ୟତା ଅନୁଯାୟୀ, ଗୁରୁବାର ଦିନ କେଶ କାଟିବା ଅଶୁଭ ବୋଲି କୁହାଯାଏ। ଏହାଦ୍ୱାରା ସୌଭାଗ୍ୟ ର୍ଦୁଭାଗ୍ୟରେ ପରିବର୍ତ୍ତନ ହୋଇଥାଏ। ଧନ କ୍ଷୟ ହୋଇଥାଏ। ମାନ-ସମ୍ମାନ ମଧ୍ୟ ହାନୀ ହୋଇଥାଏ।
ଶୁକ୍ରବାର ଦିନ କେଶ କାଟିବା ଶୁଭଙ୍କର। ଏହାଦ୍ୱାରା ମା’ଲକ୍ଷ୍ମୀଙ୍କ ବିଶେଷ କୃପା ପ୍ରାପ୍ତି ହୋଇଥାଏ। ଜୀବନରେ ସର୍ବଦା ସୁଖଶାନ୍ତି ରହିଥାଏ। କର୍ମକ୍ଷେତ୍ରରେ ମଧ୍ୟ ଉନ୍ନତି ହୋଇଥାଏ।
ଶନିବାର ନ୍ୟାୟର ଦେବତା ଶନିଦେବତାଙ୍କୁ ସମର୍ପିତ। ଏହି ଦିନ ଭୁଲ୍ରେ ମଧ୍ୟ କେଶ, ନଖ ଆଦି କାଟିବା ଉଚିତ୍ ନୁହେଁ। ଏହା ଅଶୁଭ। ଏହାଦ୍ୱାରା ଆର୍ଥିକ ଓ ମାନସିକ କଷ୍ଟ ଭୋଗିବାକୁ ପଡିଥାଏ।
ଅଧିକାଂଶ ଲୋକେ ରବିବାର ଛୁଟି ଦିନ ହୋଇଥିବାରୁ ଏହି ଦିନ କେଶ-ଦାଢି କାଟି ଥାଆନ୍ତି। ଧାର୍ମିକ ମାନ୍ୟତା ଅନୁସାରେ ରବିବାର ଦିନ କେଶ କାଟିବା ଦ୍ୱାରା ଉନ୍ନତିରେ ବାଧା ସୃଷ୍ଟି ହୋଇଥାଏ। ଆତ୍ମବିଶ୍ୱାସ ହ୍ରାସ ପାଇଥାଏ। ସ୍ୱାସ୍ଥ୍ୟ ଜନିତ ସମସ୍ୟା ମଧ୍ୟ ଲାଗି ରହିଥାଏ।
