ଗଞ୍ଜାମ : ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଧ ପଞ୍ଚାୟତ ଖଟୁଆକୁଦା ଗ୍ରାମରେ ଥିବା ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକଙ୍କ ବଦଳି ପାଇଁ ଗ୍ରାମବାସୀଙ୍କ ପକ୍ଷରୁ ବୁଧବାର ଦିନ ବିଇଓଙ୍କୁ ଦାବିପତ୍ର ଦିଆଯାଇଛି। ଆଗାମୀ ଦିନରେ ଯଦି ପ୍ରଧାନଶିକ୍ଷକଙ୍କୁ ବଦଳି କରାନଯାଏ ତାହାଲେ ଗ୍ରାମବାସୀ ଏନେଇ ଆନ୍ଦୋଳନ ପନ୍ଥା ଗ୍ରହଣ କରିବେ ବୋଲି ଚେତାବନୀ ଦେଇଛନ୍ତି।
ସୂଚନାଯୋଗ୍ୟ ଯେ, ପ୍ରଧାନଶିକ୍ଷକ ଜଣକ ଅଧିକାଂଶ ସମୟରେ ସ୍କୁଲକୁ ବିଳମ୍ବରେ ଆସୁଥିବା ଏବଂ ପିଲାଙ୍କୁ ଠିକ୍ ଭାବେ ପାଠପଢାଉ ନଥିବା ଦାବିପତ୍ରରେ ଦର୍ଶାଇଛି ସ୍କୁଲ ପରିଚାଳନା କମିଟି। ଫଳରେ ସ୍କୁଲରେ ପାଠପଢା ବ୍ୟାଘାତ ହେଉଛି। ପ୍ରଧାନଶିକ୍ଷକ ଅଧିକାଂଶ ସମୟରେ ଅନ୍ୟ ଶିକ୍ଷକଙ୍କ ସହ ସହଯୋଗ କରୁନଥିବା ଅଭିଯୋଗ କରିଛି ସ୍କୁଲ ପରିଚାଳନା କମିଟି। ଏଥିସହ ଶ୍ରେଣୀ ଗୃହରେ ପାଠପଢ଼ା ସମୟରେ ପ୍ରଧାନଶିକ୍ଷକ ଡ୍ରାମା କରୁଥିବା ଗ୍ରାମ୍ୟ କମିଟି ସଭାପତି ବୃନ୍ଦାବନ ପ୍ରଧାନ ସୂଚନା ଦେଇଛନ୍ତି। ଏନେଇ ପିଲାମାନେ ସ୍କୁଲରୁ ଘରକୁ ଯାଇ ନିଜ ଅଭିଭାବକଙ୍କଠାରେ ଅଭିଯୋଗ କରୁଛନ୍ତି। ଏଣୁ ତୁରନ୍ତ ତାଙ୍କୁ ଏହି ସ୍କୁଲରୁ ବଦଳି କରିବାକୁ ଗ୍ରାମବାସୀ ଦାବୀ କରିଛନ୍ତି। ଦାବିପତ୍ର ଦେବା ବେଳେ ସ୍କୁଲ ପରିଚାଳନା କମିଟି ସଭାପତି ଶବର କୁମାର ତରାଇ, ଗ୍ରାମ୍ୟ କମିଟି ସଭାପତି ବୃନ୍ଦାବନ ପ୍ରଧାନ, ୱାର୍ଡ ସଭ୍ୟ ଧନୁ ସାହୁ, ଅଜୟ ପ୍ରଧାନ, ବାବୁଲା ସାହୁ, ପ୍ରଦୀପ କୁମାର ସାହୁ, କାଳିଆ ସାହୁଙ୍କ ସମେତ ଅନ୍ୟ ସଦସ୍ୟମାନେ ଉପସ୍ଥିତ ଥିଲେ।
Comments are closed.