ରାଜ୍ୟରେ ଗୁରୁବାର ଘଟିଥିବା ଦୁଇଟି ହାଜତ ମୃତ୍ୟୁ ଘଟଣାରେ ସରକାର କଠୋର ପଦକ୍ଷେପ ନେଇଛନ୍ତି। ରାଜ୍ୟ ପୁଲିସ ବିଭାଗ ପକ୍ଷରୁ ଟ୍ୱିଟ କରି ଏ ସଂକ୍ରାନ୍ତରେ ସୂଚନା ଦିଆଯାଇଛି। ପୁରୀ ଏସପି ଅଖିଳେଶ୍ବର ସିଂହଙ୍କୁ କଟକ ମୁଖ୍ୟାଳୟକୁ ବଦଳି କରାଯାଇ ତାଙ୍କ ସ୍ଥାନରେ ସମ୍ବଲପୁରରେ କାର୍ଯ୍ୟରତ ଏସପି କେ. ବିଶାଳ ସିଂହଙ୍କୁ ପୁରୀ ଏସପି ଭାବରେ ଅବସ୍ଥାପିତ କରାଯାଇଛି।
DGP has placed Inspector Smruti Prava Pradhan, IIC Birmitrapur Police Station of Sundargarh district under suspension for gross misconduct and deleriction of duty.
— Odisha Police (@odisha_police) November 20, 2020
ଅନ୍ୟପକ୍ଷରେ ବୀରମିତ୍ରପୁର ଥାନାଧିକାରୀ ସ୍ମୃତିପ୍ରଭା ପ୍ରଧାନଙ୍କୁ ଦୁର୍ବ୍ୟବହାର ଓ କର୍ତ୍ତବ୍ୟରେ ଅବହେଳା ପାଇଁ ପୁଲିସ ଡିଜି ଅଭୟ ନିଲମ୍ବନ କରିଛନ୍ତି। ଏଠି ସହିତ ପୁରୀ ବାସେଳିସାହି ଥାନା ଏସଆଇ ବିପ୍ଲବ କୁମାର ପ୍ରଧାନଙ୍କ ସମେତ ସେହି ଥାନାର ୨ କନଷ୍ଟେବଲ ଜଗନ୍ନାଥ ସ୍ୱାଇଁ ଓ ବାବୁଲି ବେହେରାଙ୍କୁ ଦୁର୍ବ୍ୟବହାର ଓ କର୍ତ୍ତବ୍ୟରେ ଅବହେଳା ପାଇଁ ନିଲମ୍ବନ କରାଯାଇଛି।
S.I. Biplab Kumar Pradhan, C/345 Jagannath Swain, C/1213 Babuli Behera all of Baselisahi PS of Puri District are placed under suspension for gross misconduct and negligence in duty.
— Odisha Police (@odisha_police) November 20, 2020
ସୂଚନାଯୋଗ୍ୟ, ଗତକାଲି ପୁରୀ ବାସେଳୀ ସାହି ଓ ସୁନ୍ଦରଗଡ଼ ଜିଲାର କୁଆଁରମୁଣ୍ଡାରେ ଦୁଇଟି ହାଜତ ମୃତ୍ୟୁ ଘଟିଥିଲା। ଏ ନେଇ ସାଧାରଣ ଲୋକ, ରାଜନୈତିକ ଦଳ ଓ ବିଭିନ୍ନ ଅନୁଷ୍ଠାନ ପକ୍ଷରୁ ବିରୋଧ ପ୍ରକାଶ ପାଇଥିଲା। ଅନ୍ୟପକ୍ଷରେ ଜାତୀୟ ମାନବାଧିକାର କମିଶନ ଓ ହାଇକୋର୍ଟ ଏହି ପ୍ରସଙ୍ଗରେ ସରକାରଙ୍କୁ ରିପୋର୍ଟ ତଲବ କରିଛନ୍ତି।
