କଟକ : ଆସନ୍ତା ଅକ୍ଟୋବର ଓ ଡିସେମ୍ବରରେ ଓଡ଼ିଶା କ୍ରିକେଟ ଆସୋସିଏସନ୍ ବିସିସିଆଇର ୨ଟି ମହିଳା କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜନ କରିବାକୁ ଯାଉଛି। ଏହି ୨ଟି ଟୁର୍ଣ୍ଣାମେଣ୍ଟ ହେଉଛି ୧୯ ବର୍ଷରୁ କମ୍ ମହିଳା ଟ୍ୱେଣ୍ଟି୨୦ ଲିଗ୍ର ଗ୍ରୁପ୍ ‘ବି’ ମୁକାବିଲା ଏବଂ ସିନିୟର ମହିଳା ଏଲିଟ୍ ଗ୍ରୁପ୍ ‘ସି’ର ଦିନିକିଆ ଟୁର୍ଣ୍ଣାମେଣ୍ଟ। ଏହି ୨ଟି ଟୁର୍ଣ୍ଣାମେଣ୍ଟର ଆୟୋଜନ ସମ୍ପର୍କିତ ତଦାରଖ ପାଇଁ ବିସିସିଆଇର କ୍ରିକେଟ ପରିଚାଳନା ସହକାରୀ ମହାପ୍ରବନ୍ଧକ କେ.ଭି.ପି. ରାଓ ଓଡ଼ିଶା ଆସିଥିଲେ। ଶନିବାର ରାଓ କଟକ ଓ ଭୁବନେଶ୍ୱରର ବିଭିନ୍ନ ପଡ଼ିଆ ବୁଲି ଦେଖିଥିଲେ। ପରେ କେ.ଭି.ପି. ରାଓ ନିଷ୍ପତ୍ତି ନେଇଥିଲେ ଯେ ଉପରୋକ୍ତ ୨ଟି ଟୁର୍ଣ୍ଣାମେଣ୍ଟର ସମସ୍ତ ମ୍ୟାଚ୍ କଟକର ୩ଟି ପଡ଼ିଆ- ବାରବାଟୀ ଷ୍ଟାଡିୟମ୍, ରେଭେନ୍ସା ବିଶ୍ୱବିଦ୍ୟାଳୟ ଓ ଡ୍ରିମ୍ସ ଗ୍ରାଉଣ୍ଡରେ ଖେଳାଯିବ। ପୂର୍ବରୁ କଟକର ଅନ୍ୟ କିଛି ଗ୍ରାଉଣ୍ଡରେ ଉଭୟ ଟୁର୍ଣ୍ଣାମେଣ୍ଟର ମ୍ୟାଚ୍ ଖେଳାଯିବାର ନିଷ୍ପତ୍ତି ଓସିଏ ନେଇଥିବା ବେଳେ ରାଓଙ୍କ ନିଷ୍ପତ୍ତି ପରେ ଏଥିରେ ପରିବର୍ତ୍ତନ କରାଯିବ ବୋଲି ସୂଚନା ମିଳିଛି।
Popular Categories
Previous article
Next article