ହିନ୍ଦୁ ଧର୍ମ ଗ୍ରନ୍ଥ ଅନୁଯାୟୀ, ଗାଈଙ୍କୁ ପୂଜନୀୟ ତଥା ଗୋମାତା କୁହାଯାଇଛି। କାରଣ ଧାର୍ମିକ ମାନ୍ୟତା ଅନୁଯାୟୀ, ଗାଈ ଶରୀରରେ ୩୩କୋଟି ଦେବାଦେବୀ ବାସ କରିଥାଆନ୍ତି। ଏହାସହ ଗୋ ସେବାକୁ ପବିତ୍ର କୁହାଯାଇଛି। ରାଜା ଦିଲ୍ଲୀପ ଗାଈଙ୍କ ସେବା କରି ସନ୍ତାନ ପ୍ରାପ୍ତି କରିଥିଲେ ବୋଲି ମାନ୍ୟତା ରହିଛି। ଆଜି ମଧ୍ୟ ଅନେକ ବ୍ୟକ୍ତି ନିଜର ମନସ୍କାମନା ପୂର୍ଣ୍ଣ ପାଇଁ ଗାଈକୁ ରୁଟି ଖାଇବାକୁ ଦେଇ ଥାଆନ୍ତି। ଗାଈକୁ ରୁଟି ଖୁଆଇବା ପଛରେ ଅନେକ ମହତ୍ତ୍ବ ରହିଛି।
ମାନ୍ୟତା ଅନୁଯାୟୀ, ଗାଈ ଦେହରେ ୩୩କୋଟି ଦେବାଦେବୀ ବାସ କରିଥାଆନ୍ତି। ଗାଈକୁ ରୁଟି ଖୁଆଇବା ଦ୍ବାରା ସମସ୍ତ ଦେବାଦେବୀ ସନ୍ତୁଷ୍ଟ ହୋଇଥାଆନ୍ତି। ଏହାଦ୍ବାରା ପୁଣ୍ୟ ପ୍ରାପ୍ତି ହୋଇଥାଏ। ତେଣୁ କୁହାଯାଇଛି ଯେ, ଗାଈଙ୍କ ସେବା କରିବା ଦ୍ବାରା ସମସ୍ତ ଦେବାଦେବୀ ସନ୍ତୁଷ୍ଟ ହୋଇଥାଆନ୍ତି। କୁହାଯାଇଛି ଯେ, ଯେଉଁ ଘରେ ଗାଈଙ୍କୁ ସର୍ବଦା ରୁଟି ଖୁଆଇ ସେବା କରାଯାଇଥାଏ ତାଙ୍କର ପରିବାର ସର୍ବଦା ଉନ୍ନତି ଦିଗକୁ ଅଗ୍ରସର କରିଥାଆନ୍ତି। ସେହି ପରିବାରରେ ଯେଉଁମାନେ ଜନ୍ମ ହୋଇଥାଆନ୍ତି ସେମାନେ ଖୁବ ଭାଗ୍ୟଶାଳୀ ମଧ୍ୟ ହୋଇଥାଆନ୍ତି। ତାଙ୍କ ଉପରେ ସମସ୍ତ ଦେବାଦେବୀଙ୍କ କୃପା ରହିଥାଏ। ଏହାସହ ସଂସାରର ସମସ୍ତ ସୁଖ ସେମାନଙ୍କୁ ମିଳିଥାଏ।
ମାନ୍ୟତା ରହିଛି ଯେ, ପ୍ରତିଦିନ ଗାଈକୁ ରୁଟି ସହ ଗୁଡ ମିଶାଇ ଖାଇବାକୁ ଦେବା ଦ୍ବାରା ପୁଣ୍ୟ ପ୍ରାପ୍ତି ହୋଇଥାଏ। କିନ୍ତୁ ଗାଈ ବସିଥିବା ବେଳେ ରୁଟି ସହ ଗୁଡ ମିଶାଇ ଖାଇବାକୁ ଦେବା ଉଚିତ। ଏପରି କରିବା ଦ୍ବାରା ବେରୋଜଗାରୀ ସମସ୍ୟା ଦୂର ହୋଇଥାଏ। ଏହା ବ୍ୟତୀତ ପରିବାରରେ ସମସ୍ତଙ୍କ ସହ ସମ୍ପର୍କ ସୁଦୃଢ ରହିଥାଏ।
