ରାଜ୍ୟରେ କରୋନା ସଂକ୍ରମଣ ସାମାନ୍ୟ ହ୍ରାସ; ଗୋଟିଏ ଦିନରେ ୨୯୧୨ ଚିହ୍ନଟ

ଭୁବନେଶ୍ୱର: ଓଡ଼ିଶାରେ ଦୈନିକ କରୋନା ସଂକ୍ରମଣରେ ସାମାନ୍ୟ ହ୍ରାସ ପରିଲକ୍ଷିତ ହୋଇଛି। ଗୋଟିଏ ଦିନରେ ରାଜ୍ୟରୁ ନୂଆ ୨୯୧୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ ସଂଗରୋଧରୁ ୧୬୭୫ ଏବଂ ସ୍ଥାନୀୟ ସଂକ୍ରମିତ ୧୨୩୭ ଜଣ ରହିଛନ୍ତି। ମୋଟ ସଂକ୍ରମିତଙ୍କ ସଂଖ୍ୟା ୮୯୩୫୦୮କୁ ବୃଦ୍ଧି ପାଇଛି। ଚିହ୍ନଟ ହୋଇଥିବା ନୂଆ ସଂକ୍ରମିତଙ୍କ ମଧ୍ୟରେ ଅନୁଗୁଳ ଜିଲାରୁ ୧୧୯, ବାଲେଶ୍ୱର ୨୨୦, ବରଗଡ ୩୧, ଭଦ୍ରକ ୧୩୬, ବଲାଙ୍ଗୀର ୧୨, ବଉଦ ୧୮, କଟକ ୩୮୨, ଦେବଗଡ ୪, ଢେଙ୍କାନାଳ ୪୨, ଗଜପତି ୧୩, ଗଞ୍ଜାମ ୧୮, ଜଗତସିଂହପୁର ୧୩୧, ଯାଜପୁର ୨୯୨, ଝାରସୁଗୁଡା ୧୪, କଳାହାଣ୍ଡି ୩୫, କନ୍ଧମାଳ ୩୬, କେନ୍ଦ୍ରାପଡା ୭୧, କେନ୍ଦୁଝର ୭୦ ଏବଂ ଖୋର୍ଦ୍ଧା ଜିଲାରୁ ୪୦୧ ଜଣ ଚିହ୍ନଟ ହୋଇଛନ୍ତି। ସେହିଭଳି କୋରାପୁଟରୁ ୫୪, ମାଲକାନଗିରି ୪୯, ମୟୁରଭଞ୍ଜ ୧୭୪, ନବରଙ୍ଗପୁର ୫୦, ନୟାଗଡ ୧୪୦, ନୂଆପଡା ୮, ପୁରୀ ୧୬୧, ରାୟଗଡା ୫୨, ସମ୍ବଲପୁର ୩୦, ସୋନପୁର ୧୩, ସୁନ୍ଦରଗଡ ୭୧ ଏବଂ ଷ୍ଟେଟପୁଲରୁ ୬୫ ଜଣ ଚିହ୍ନଟ ହୋଇଛନ୍ତି। ରାଜ୍ୟରେ ମୋଟ ୮୫୬୪୯୮ ଜଣ କରୋନାରୁ ସୁସ୍ଥ ହୋଇସାରିଥିବା ବେଳେ ସଂପ୍ରତି ୩୩୧୫୬ ଜଣ ସକ୍ରିୟ ସଂକ୍ରମିତ ରହିଥିବା ଜଣାଯାଇଛି।