ଗୁରୁଡିଝାଟିଆ : କରୋନା ସ୍ଥିତି ସୁଧାର ଆସିଥିବାରୁ ଶିକ୍ଷାନୁଷ୍ଠାନ ମୁହାଁ ଏବେ ବିଦ୍ୟାର୍ଥୀ । ଶିକ୍ଷାନୁଷ୍ଠାନରେ କରୋନା ସଂକ୍ରମଣକୁ ପ୍ରତିହତ କରିବା ପାଇଁ ଆଠଗଡ ବିଧାୟକ ତଥା ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଙ୍କ ପ୍ରତ୍ୟେକ୍ଷ ତତ୍ୱାବଧାନରେ ନିର୍ବାଚନ ମଣ୍ଡଳୀର ସମସ୍ତ ଶିକ୍ଷାନୁଷ୍ଠାନର ଶ୍ରେଣୀକକ୍ଷ କୁ ବିଶୋଧନ କରାଯାଇଛି । ପ୍ରତ୍ୟେକ ବିଦ୍ୟାର୍ଥୀଙ୍କୁ ତୁଣ୍ଡି ବଣ୍ଟନ ମଧ୍ୟ କରାଯାଇଛି । ଏନେଇ ମନ୍ତ୍ରୀ ଶ୍ରୀ ସ୍ୱାଇଁ ବିଜୁ ଛାତ୍ର ଜନତାଦଳ ଓ ବିଜୁ ଯୁବ ଜନତାଦଳର ସଦସ୍ୟମାନଙ୍କୁ ଏକାଧିକ ଭାଗରେ ବିଭକ୍ତ କରି ସଠିକ୍ ଢଙ୍ଗରେ ମହାବିଦ୍ୟାଳୟ ,ଉଚ୍ଚମାଧ୍ୟମିକ ବିଦ୍ୟାଳୟ ଓ ପ୍ରାଥମିକ ବିଦ୍ୟାଳୟର ପରିସରକୁ ବିଶୋଧନ କରିବା ପାଇଁ ନିଦେ୍ର୍ଦଶ ଦେବା ପରେ ଆଇନଜୀବି ଆଦିତ୍ୟ ପ୍ରତାପ ସ୍ୱାଇଁ ଙ୍କ ନେତୃତ୍ୱରେ ବିଜୁ ଛାତ୍ର ଜନତାଦଳର ଉପସଭାପତି ଦୀପକ କୁମାର ଆଚାର୍ଯ୍ୟ, ସଂପାଦକ ଶୁଭେନ୍ଦୁ ବେଉରା,ଛାତ୍ରଜନତା ଦଳର ଆଠଗଡ ସଭାପତି ସତ୍ୟପି୍ରୟ ମହାନ୍ତି,ତୋଫାନ ସାମଲ, ଧନେଶ୍ୱର ବେହେରା, ଅଜିତ୍ ଦାସ, ଦୀପକ ପାଢି, ଦିନେଶ ବେହେରା, ସୌମ୍ୟରଞ୍ଜନ ଦାସ ଓ ଜିଲ୍ଲାପରିଷଦ ଜୋନ ୨ର ସଂଯୋଜକ ନୃସିଂହ ଚରଣ ସାହୁ ପ୍ରମୁଖ ପ୍ରଥମେ ଖୁଣ୍ଟୁଣୀସ୍ଥିତ ରାଧାନାଥ ବିଦ୍ୟାପୀଠ,ରାଧାନାଥରଥ ବିଜ୍ଞାନ +୨ ମହାବିଦ୍ୟାଳୟ ଓ ଡିଗ୍ରୀ ମହାବିଦ୍ୟାଳୟ, ଗୋବରା ଉଚ୍ଚ ବିଦ୍ୟାଳୟ ସହିତ ନିର୍ବାଚନ ମଣ୍ଡଳୀର ସମସ୍ତ ମହାବିଦ୍ୟାଳୟ, ଉଚ୍ଚ ମାଧ୍ୟମିକ ବିଦ୍ୟାଳୟ, ପ୍ରାଥମିକବିଦ୍ୟାଳୟ ବିଶୋଧନ କରାଯିବା ସହିତ ପ୍ରତ୍ୟେକ ବିଦ୍ୟାର୍ଥୀଙ୍କୁ ତୁଣ୍ଡି ବଣ୍ଟନ କରାଯାଇ କରୋନାକୁ ଜୟ କରିବାର କୌଶଳ ସହିତ କରୋନା ମୁକାବିଲା ସଂପର୍କିତ ନୀତିନିୟମ ସଂପର୍କରେ ବୁଝାଇଥିଲେ ।
Popular Categories
Previous article
Next article