ଦିଲ୍ଲୀ ଅବକାରୀ ନୀତି ମାମଲା – ମନୀଷ ସିସୋଦିଆଙ୍କୁ ସଶରୀରେ କୋର୍ଟରେ ହାଜର କରାଇବାକୁ ନିର୍ଦ୍ଦେଶ

ଡେସ୍କ: ଆଜି ଦିଲ୍ଲୀ ଅବକାରୀ ନୀତି ମାମଲାର ଶୁଣାଣି କରି ରାଉଜ ଆଭିନିୟୁ କୋର୍ଟ ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ଆଗାମୀ ଦିନରେ ଶୁଣାଣି ପାଇଁ କୋର୍ଟରେ ସଶରୀରେ ହାଜର କରାଇବାକୁ ପୁଲିସକୁ ନିର୍ଦ୍ଦେଶ ଦେଇଛନ୍ତି। ଦିଲ୍ଲୀ ପୁଲିସ ପକ୍ଷରୁ ସିସୋଦିଆଙ୍କୁ ଶୁଣାଣି ସମୟରେ ଭିଡିଓ କନଫରେନସିଂ ଜରିଆରେ ହାଜର ପାଇଁ ଆଗତ ଆବେଦନକୁ ଅଗ୍ରାହ୍ୟ କରି ସ୍ୱତନ୍ତ୍ର ବିଚାରପତି ଏମ କେ ନାଗପାଲ ତାଙ୍କୁ ଏଣିକି ପ୍ରତ୍ୟେକ ଶୁଣାଣି ସମୟରେ କୋର୍ଟରେ ହାଜର ରହିବାକୁ ପଡିବ ବୋଲି କହିଛନ୍ତି।

ସିସୋଦିଆଙ୍କୁ କୋର୍ଟରେ ହାଜର ପାଇଁ ସୁରକ୍ଷା ବିଷୟ ରହିଥିବା ଦିଲ୍ଲୀ ପୁଲିସ ଯୁକ୍ତି କରିବା ପରେ ବିଚାରପତି ଜଷ୍ଟିସ ନାଗପାଲ ନିର୍ଦ୍ଦେଶ ଦେଇଛନ୍ତି ଯେ ମାମଲାର ଶୁଣାଣି ସମୟରେ କୋର୍ଟରେ କୌଣସି ସାଧାରଣ ବ୍ୟକ୍ତି କିମ୍ବା ଆମ ଆଦମୀ ପାର୍ଟିର ସମର୍ଥକଙ୍କୁ ଉପସ୍ଥିତ ରହିବାକୁ ଅନୁମତି ଦିଆଯିବ ନାହିଁ। ଗଣମାଧ୍ୟମ ପ୍ରତିନିଧିଙ୍କୁ ମଧ୍ୟ ଦୁରେଇ ରହିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।