ଯାଜପୁର : ଯାଜପୁର ଟାଉନ ସ୍ଥିତ ରସୁଲପୁର ବ୍ଲକର ଗୋପୀନାଥପୁର ଗ୍ରାମକୁ ବିଡ଼ିଓ ଓ ତହସିଲଦାର କରୋନା ସ୍ଥିତି ଅନୁଧ୍ୟାନ ଓ ଲକଡାଉନର ସ୍ଥିତିକୁ ଦେଖିବାକୁ ଯାଇଥିବା ବେଳେ ତାଙ୍କ ଉପରେ କିଛି ଦୁର୍ବୃତ୍ତ ଆକ୍ରମଣ କରିଥିବା ଅଭିଯୋଗ ହୋଇଛି। କୁଆଖିଆ ଥାନା ଗୋପୀନାଥପୁର ଗ୍ରାମରେ ଏହି ଘଟଣା ଘଟିଥିବା ସୂଚନା ମିଳିଛି । ଯାଜପୁର ଜିଲାପାଳ ରଞ୍ଜନ କୁମାର ଦାସ ଘଟଣାସ୍ଥଳରେ ପହଂଚିବାପରେ ତାଙ୍କୁ ମଧ୍ୟ ସେହି ଗ୍ରାମ ଲୋକେ ସଂଘବଧ ହୋଇ ଦୁର୍ବ୍ୟବହାର କରିଥିଲେ। ପରେ ଘଟଣା ସ୍ଥଳରେ ପୁଲିସ ପହଞ୍ଚିବା ପରେ ୩ ଜଣଙ୍କୁ ଅଟକ ରଖିଛି । ଶେଷରେ ଜିଲ୍ଲା ପୁଲିସ ତରଫରୁ ଫ୍ଲାଗମାର୍ଚ୍ଚ କରାଯାଇଥିଲା।
ଯାଜପୁର ଏସପି ଚରଣ ସିଂ ମିନା ଘଟଣା ସ୍ଥଳରେ ପହଁଚି ପରିସ୍ଥିତିର ଅନୁଧ୍ୟାନ କରିଥିବା ସୂଚନା ମିଳିଛି । ଅଟକ ଯୁବକମାନଙ୍କ ମଧ୍ୟରୁ ଜଣେ ବ୍ୟକ୍ତି ନିଜାମୁଦ୍ଦିନ ଫେରନ୍ତା ବ୍ୟକ୍ତିଙ୍କ ସଂସ୍ପର୍ଶରେ ଆସିଥିବାରୁ ତାଙ୍କୁ କ୍ଵାରେଣ୍ଟଟାଇନରେ ରଖାଯିବ ବୋଲି ସୂଚନା ମିଇଛି । ପରିସ୍ଥିତି ଉପରେ ନଜର ରଖାଯାଇଛି ଏବଂ ପରିସ୍ଥିତି ପୁନର୍ବାର ବିଗିଡିଲେ ଗୋପୀନାଥପୁର ଗ୍ରାମରେ ୧୪୪ ଧାରା ଲାଗୁ ହେବ ବୋଲି ଜିଲାପାଳ ସୂଚନା ଦେଇଛନ୍ତି ।
Comments are closed.