ଟିଟିଲାଗଡ଼ : ଟିଟିଲାଗଡ ସହରରେ ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟାରେ ବୃଦ୍ଧି ପାଇବାକୁ ଲାଗିଛି। ସ୍ୱାସ୍ଥ୍ୟ ବିଭାଗ ସୂଚନା ଅନୁସାରେ ଅଦ୍ୟାବଧି ୨୪୧୯ ଜଣଙ୍କ ଟେଷ୍ଟ କରାଯାଇଥିବା ବେଳେ ୫୯୭ ଜଣ ସଂକ୍ରମିତ ହୋଇଛନ୍ତି। ପ୍ରାୟ ଶହେ ଜଣ ସକ୍ରିୟ କେସ ରହିଥିବା ଉପଖଣ୍ଡ ସ୍ୱାସ୍ଥ୍ୟ ଅଧିକାରୀ ଡା. କୃଷ୍ଣଚନ୍ଦ୍ର ପାଳ ସୂଚନା ଦେଇଛନ୍ତି। ଉପଖଣ୍ଡ ଅଞ୍ଚଳର ୬୬ ଜଣ ସଂକ୍ରମିତ ଟିଟିଲାଗଡ କୋଭିଡ କେୟାର ସେଣ୍ଟରରେ ଭର୍ତି ହୋଇ ଚିକିତ୍ସିତ ହୋଇଛନ୍ତି। ଆଜି ଗ୍ରାମାଞ୍ଚଳର ଏକ ପରିବାରର ୪ ଜଣ ସଂକ୍ରମିତ ହେବା ନେଇ ସେମାନଙ୍କୁ କୋଭିଡ କେୟାର ସେଣ୍ଟରକୁ ପଠାଯାଇଛି। ଗତ ଦୁଇ ଦିନ ହେଲା ପ୍ରତ୍ୟେହ ୮ଟି କେସ ଚିହ୍ନଟ ହୋଇଛନ୍ତି। ସ୍ୱାସ୍ଥ୍ୟ ବିଭାଗ ପକ୍ଷରୁ ସ୍ୱତନ୍ତ୍ର ଟିମ ଘରକୁ ଘର ବୁଲୁଛନ୍ତି। ଖୋଦ ଟିଟିଲାଗଡ ଉପଜିଲାପାଳ ସୋମେଶ ଉପାଧ୍ୟାୟ ବିଭିନ୍ନ ଅଞ୍ଚଳ ବୁଲି ତଦାରଖ କରୁଛନ୍ତି। ସ୍ଥିତି ପ୍ରତି କଡା ନଜର ରଖାଯାଇଥିବା ସ୍ୱାସ୍ଥ୍ୟ ଅଧିକାରୀ ଡା. ପାଳ କହିଛନ୍ତି।
Popular Categories
Previous article
Next article