ଘାଜିପୁର: ଉତ୍ତରପ୍ରଦେଶ ଘାଜିପୁର ଜିଲାରେ ଶନିବାର ହିଂସାକାଣ୍ଡ ଘଟି ଜଣେ ପୁଲିସ କନଷ୍ଟେବଳ ପ୍ରାଣ ହରାଇଛନ୍ତି। ଏହି ଘଟଣାରେ କେତେକ ସାଧାରଣ ଲୋକ ଆହତ ହୋଇଛନ୍ତି। ଘାଜିପୁରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଭିନ୍ନ କାର୍ଯ୍ୟକ୍ରମରେ ଯୋଗଦେଇ ଫେରିବା ପରେ ଏହି ହିଂସାକାଣ୍ଡ ଘଟିଛି। ରିପୋର୍ଟ ଅନୁଯାୟୀ ନିସାଦ ସମ୍ପ୍ରଦାୟର କେତେକ ଲୋକ ସଂରକ୍ଷଣ ଦାବିରେ ବିକ୍ଷୋଭ ପ୍ରଦର୍ଶନ କରୁଥିଲେ। ସେମାନଙ୍କ ମଧ୍ୟରୁ କେତେକ ହିଂସା ଆରମ୍ଭ କରିଥିଲେ। ପ୍ରଧାନମନ୍ତ୍ରୀଙ୍କ ରାଲିରୁ ଫେରୁଥିବା ବିଜେପି କର୍ମୀଙ୍କୁ ଅଟକାଇ ସେମାନଙ୍କ ଗାଡି ଭଙ୍ଗାରୁଜା କରିଥିଲେ। ଘଟଣାସ୍ଥଳରେ ପୁଲିସ ପହଞ୍ଚି ସେମାନଙ୍କୁ ନିୟନ୍ତ୍ରଣ ଲାଗି ଉଦ୍ୟମ କରିବାରୁ ଟେକାପଥର ମାଡ କରିଥିଲେ। ଏହି ଟେକା ମାଡରେ ଜଣେ କନଷ୍ଟେବଳ ଗୁରୁତର ଆହତ ହୋଇଥିଲେ। ତାଙ୍କୁ ଡାକ୍ତରଖାନା ନିଆଯାଇଥିବା ବେଳେ ସେଠାରେ ମୃତ୍ୟୁ ହୋଇଥିଲା। ନିହତ ପୁଲିସ କନଷ୍ଟେବଳ ହେଉଛନ୍ତି ସୁରେଶ ଭାଟ୍ସ। ସୁରେଶ ପ୍ରଧାନମନ୍ତ୍ରୀଙ୍କ ରାଲିରୁ ଫେରୁଥିବାବେଳେ ତାଙ୍କୁ ବିକ୍ଷୋଭ ନିୟନ୍ତ୍ରଣ ଲାଗି ପଠାଯାଇଥିଲା। ସୁରେଶଙ୍କ ପରିବାର ପାଇଁ ୪୦ଲକ୍ଷ ଟଙ୍କା କ୍ଷତିପୂରଣ ଘୋଷଣା କରାଯାଇଥିବା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସୂତ୍ରରୁ ପ୍ରକାଶ। ରାଜ୍ୟରେ ହିଂସାକାଣ୍ଡ ଘଟି ପୁଲିସ କର୍ମଚାରୀ ପ୍ରାଣ ହରାଇବା ଘଟଣା ମାସକ ମଧ୍ୟରେ ଦ୍ବିତୀୟ ଥର ଘଟିଛି। ଏହା ପୂର୍ବରୁ ଡିସେମ୍ବର ୩ରେ ବୁଲନ୍ଦସହର ଜିଲାରେ ହିଂସାକାଣ୍ଡ ଘଟି ଜଣେ ପୁଲିସ ଇନ୍ସପେକ୍ଟର ପ୍ରାଣ ହରାଇଥିଲେ।
Popular Categories
Previous article
Next article