ନୂଆଦିଲ୍ଳୀ : ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଏବଂ କଂଗ୍ରେସର ବରିଷ୍ଠ ନେତା ଭୂପେନ୍ଦ୍ର ସିଂହ ହୁଡ୍ଡା ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦକୁ ସମର୍ଥନ ଜଣାଇଛନ୍ତି। ଏହାସହ ସେ ଦେଶଭକ୍ତିରେ ସାଲିସ କରିପାରବେ ନାହିଁ ବୋଲି କହିଛନ୍ତି।
ସୂଚନା ଅନୁସାରେ ରୋହତକରେ ଆୟୋଜିତ ଏକ ର୍ୟାଲିକୁ ସମ୍ବୋଧିତ କରି ହୁଡ୍ଡା କହିଛନ୍ତି ଯେ ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦକୁ ମୋର ଅନେକ ସାଥୀ ବିରୋଧ କରିଛନ୍ତି ଓ ଏକ୍ଷେତ୍ରରେ ମୋ ଦଳ ଦିଶାହୀନ ହୋଇଯାଇଛି। ଏହା ଆଉ ପୁରୁଣା କଂଗ୍ରେସ ହୋଇନାହିଁ। ଦେଶଭକ୍ତି ଏବଂ ସ୍ୱାଭିମାନର କଥାରେ ମୁଁ ସାଲିସ କରିପାରିବି ନାହିଁ। ତେଣୁ ମୁଁ ଧାରା ୩୭୦ ଉଚ୍ଛେଦ ନେଇ କେନ୍ଦ୍ର ସରକାରଙ୍କ ନିଷ୍ପତ୍ତିକୁ ସମର୍ଥନ କରୁଛି। ହରିୟାଣା ଲୋକ କାଶ୍ମୀରରେ ସୈନିକ ଭାବେ ମୁତୟନ ଅଛନ୍ତି ଓ ଏହି କାରଣରୁ ସରକାରଙ୍କ ନିଷ୍ପତ୍ତିକୁ ମୁଁ ସମର୍ଥନ ଜଣାଉଛି। ତେବେ ର୍ୟାଲିରେ ସେ ହରିୟାଣା ସରକାରଙ୍କୁ ସମାଲୋଚନା କରିଛନ୍ତି। ୫ ବର୍ଷର କାର୍ଯ୍ୟକାଳୟରେ ଖଟ୍ଟରଙ୍କ ସରକାର କ’ଣ କରିଛି ତାର ହିସବା ଦେବାକୁ ସେ କହିଛନ୍ତି।
