ଭୁବନେଶ୍ଵର: ଜାତୀୟ ରାଜପଥ ନିର୍ମାଣ କାର୍ଯ୍ୟ ନିମ୍ନମାନର ହେଉଛି ବୋଲି ଅଭିଯୋଗ କରିଛି କଂଗ୍ରେସ। ଏହା ପ୍ରତିବାଦରେ ଦଳ ପକ୍ଷରୁ ଶୁକ୍ରବାର ଭାରତୀୟ ଜାତୀୟ ରାଜପଥ କର୍ତ୍ତୃପକ୍ଷ (ଏନଏଚଏଆଇ)ଙ୍କ ଜୟଦେବ ବିହାରସ୍ଥିତ କାର୍ଯ୍ୟାଳୟକୁ ଘେରାଉ କରାଯାଇଛି। ଛାତ୍ର, ଯୁବ ଏବଂ ଜିଲା କଂଗ୍ରେସ ପକ୍ଷରୁ କାର୍ଯ୍ୟାଳୟ ଘେରାଉ କରାଯାଇ ନିମ୍ନମାନର କାର୍ଯ୍ୟ ବିରୋଧରେ ବିକ୍ଷୋଭ ପ୍ରଦର୍ଶନ କରାଯାଇଥିଲା।
ସୂଚନା ଅନୁସାରେ, ଗତ ୬ ମାସ ତଳେ ଭୁବନେଶ୍ଵର ଆଇଗିଣିଆସ୍ଥିତ ଫ୍ଲାଏଓଭର ବ୍ରିଜ କାମ ଶେଷ ହେବା ସହିତ ଜନସାଧାରଣଙ୍କ ପାଇଁ ଖୋଲିଥିଲା। ମାତ୍ର ଏବେ ଫ୍ଲାଏସଭରର ଏକ ସ୍ଥାନରେ ରାସ୍ତା ଦବି ଯାଇଥିବା ଦେଖିବାକୁ ମିଳିଛି। ନିମ୍ନମାନର କାମ ଯୋଗୁ ଏପରି ହୋଇଥିବା କଂଗ୍ରେସ କହିଛି। ଏଥିଲାଗି ଦଳ ଭୁବନେଶ୍ଵର ସାଂସଦଙ୍କୁ ବି ସମାଲୋଚନା କରିଛି। ଉକ୍ତ ଫ୍ଲାଏଓଭର କାର୍ଯ୍ୟ କରିଥିବା ଠିକା ସଂସ୍ଥାକୁ କଳା ତାଲିକାଭୁକ୍ତ କରିବାକୁ ଦଳ ପକ୍ଷରୁ ଦାବି କରାଯାଇଛି।
Comments are closed.