ସମାଜ ନ୍ୟୁଜ ଡେସ୍କ- କଟକ ମଣିସାହୁ ଛକରେ ବାଲକୋନୀ ଭୁଷୁଡି ତିନି ଜଣଙ୍କ ମୃତ୍ୟୁ ଘଟଣାରେ ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ମୃତକ ଅବଦୁଲ ମୁଜାହିଦ, ଅବଦୁଲ ଜାହିଦ ଓ ଅବଦୁଲ ଜଲିଲଙ୍କ ପରିବାରକୁ ସମବେଦନା ଜଣାଇବା ସହ ପ୍ରତି ପରିବାରକୁ ସିଏମ ରିଲିଫ ପାଣ୍ଠିରୁ ଚାରି ଲକ୍ଷର ଅନୁକମ୍ପା ମୂଳକ ସହାୟତା ରାଶି ପ୍ରଦାନ ପାଇଁ ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ ନିଜ X ପେଜ୍ ରେ ସମବେଦନା ଜଣାଇବା ସହ ଆହତଙ୍କ ଉତ୍ତମ ଚିକିତ୍ସା ସରକାର ଯୋଗାଇ ଦେଇଛନ୍ତି ବୋଲି ମଧ୍ୟ ସୂଚନା ଦେଇଛନ୍ତି ।
ଶନିବାର ସଂଧ୍ୟାରେ ଏକ ଆଜବେଷ୍ଟସ ଘର ଉପରେ କୋଠା ଘରର ଏକ ବାଲକୋନୀ ଭୁଷୁଡି ପଡିବାରୁ ଚାପି ହୋଇଯାଇଥିଲେ କିଛି ଲୋକେ । ତୁରନ୍ତ ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲେ ସୁଦ୍ଧା ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।
