ଚେନ୍ନାଇ: ମାଡ୍ରାସ ହାଇକୋର୍ଟ ମୁଖ୍ୟ ବିଚାରପତି ବିଜୟା କେ. ତାହିଲରମାନି ନିଜ ପଦବୀରୁ ଇସ୍ତଫା ଦେଇଛନ୍ତି । ତାଙ୍କ ବଦଳି ଆଦେଶର ପୁର୍ନବିଚାର ନହେବାରୁ ସେ ଇସ୍ତଫା ଦେଇଥିବା ଜଣାପଡିଛି । ସୂଚନାଯୋଗ୍ୟ, ସୁପ୍ରିମକୋର୍ଟ କଲେଜିୟମ ତାଙ୍କୁ ମେଘାଳୟ ହାଇକୋର୍ଟକୁ ବଦଳି କରିଥିବାରୁ ସେ ଅସନ୍ତୋଷ ପ୍ରକାଶ କରିଥିଲେ । ଏହାକୁ ନେଇ ଶୁକ୍ରବାର ସନ୍ଧ୍ୟାରେ ଚେନ୍ନାଇର ଜୁଡିସିଆଲ ଏକାଡେମୀଠାରେ ୬ଜଣ ଅତିରିକ୍ତ ବିଚାରପତିଙ୍କ ପକ୍ଷରୁ ନୈଶ୍ୟଭୋଜି ଆୟୋଜନ କରାଯାଇଥିଲା। ୨ ଦିନ ତଳେ ଏହି ୬ ଅତିରିକ୍ତ ବିଚାରପତିଙ୍କୁ ସ୍ଥାୟୀ ବିଚାରପତି କରାଯାଇଥିଲା। ଏଥିରେ ମାଡ୍ରାସ ହାଇକୋର୍ଟ ମୁଖ୍ୟ ବିଚାରପତି ବିଜୟା ଯୋଗଦେଇଥିଲେ। ସେ ତାଙ୍କ ବଦଳି ଆଦେଶର ପୁନର୍ବିଚାର କରିବା ଲାଗି କଲେଜିୟମଙ୍କ ନିକଟରେ ଆବେଦନ କରିଥିଲେ। ମାତ୍ର କଲେଜିୟମ ତାଙ୍କ ଆବେଦନକୁ ଗ୍ରହଣ କରି ନ ଥିଲେ। ଇତିମଧ୍ୟରେ ମାଡ୍ରାସ ହାଇକୋର୍ଟର ଆଡ୍ଭୋକେଟ ଏନ.ଜି.ଆର. ପ୍ରସାଦଙ୍କ ସମେତ ଅନ୍ୟ ଆଡ୍ଭୋକେଟମାନେ ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କୁ ଚିଠି ଲେଖି ମୁଖ୍ୟ ବିଚାରପତି ବିଜୟାଙ୍କ ବଦଳି ଉପରେ ପୁନର୍ବିଚାର କରିବାକୁ ନିବେଦନ କରିଛନ୍ତି।
Popular Categories
Previous article
Next article