ଚୌଦ୍ୱାର: ଚୌଦ୍ୱାର ଥାନା ଅଧିନ ଟିପିଏମ୍ ଫାଣ୍ଡି ପୁଲିସ ଏକ ଗଣ୍ଡଗୋଳ ଘଟଣାରେ ୨ଜଣଙ୍କୁ ଗିରଫ ପରେ କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ କୁଷ୍ପଙ୍ଗୀ ଗ୍ରାମରେ ରହୁଥିବା ବ୍ରହ୍ମପୁର ଅଞ୍ଚଳର ସୂର୍ଯ୍ୟକାନ୍ତ ରାଉଳ ଓ ସୁଶାନ୍ତ ପାତ୍ର ବୋଲି ଜଣାପଡ଼ିଛି। ସେମାନେ ଜଣକୁ ପଥରରେ ଛେଚି ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି।
ପୁଲିସ ସୂଚନା ଅନୁଯାୟୀ ସୂର୍ଯ୍ୟକାନ୍ତ, ସୁଶାନ୍ତ ଏବଂ ଘଣ୍ଟିଖାଲରେ ରହୁଥିବା ବ୍ରହ୍ମପୁର ଅଞ୍ଚଳର ରଞ୍ଜନ ପାତ୍ର ସ୍ଥାନୀୟ ଅଞ୍ଚଳରେ ଘୁଷୁରୀ ପାଳନ ଓ ବ୍ୟବସାୟ କରନ୍ତି । ଗୁରୁବାର ରାତିରେ ସୂର୍ଯ୍ୟକାନ୍ତ ଓ ସୁଶାନ୍ତ ସାଙ୍ଗହେଇ ରଞ୍ଜନକୁ ସାଙ୍ଗରେ ଡାକି ନେଇ କଖଡ଼ିରେ ଏକତ୍ର ନିଶାପାନ କରିଥିଲେ। ଏହି ସମୟରେ କୌଣସି କାରଣକୁ ନେଇ ୩ ଜଣଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ସୂର୍ଯ୍ୟକାନ୍ତ ଓ ସୁଶାନ୍ତ ଏକ ପଥରରେ ରଞ୍ଜନର ମୁଣ୍ଡକୁ ଛେଚି ଦେବା ଫଳରେ ସେ ଗୁରୁତର ଆହତ ହୋଇଥିଲେ। ଉଭୟ ମିଶି ରଞ୍ଜନକୁ ପ୍ରଥମେ ଆଠଗଡ଼ ଓ ପରେ କଟକ ଏସସିବି ଡାକ୍ତରଖାନାକୁ ନେଇ ଯାଇଥିଲେ। ରଞ୍ଜନ ଠାରୁ ଅଭିଯୋଗ ପାଇ ଫାଣ୍ଡି ଅଧିକାରୀ ମାନସ ମହାରଣା ଘଟଣାର ତଦନ୍ତ ପରେ ୨ ଅଭିଯୁକ୍ତଙ୍କୁ ଗିରଫ କରିଥିଲେ।
Comments are closed.